Perigo!! gaseiro 93 cargado con GNL para Reganosa

LNG "Castillo de Villalba" en Reganosa, Xullo de 2008

CONCENTRACIÓN NO PORTO DE FERROL,
NO PEIRAO DE CORUXEIRAS
[ANTIGA FÁBRICA DE XELO]
ÁS 8 DA TARDE, DO VENRES 17 DE XUÑO

O LNG "Castillo de Villalba", un buque gaseiro de grande porte, cargado con miles de toneladas de GNL/LNG para a ilegal e perigosa Reganosa, ten anunciado a súa entrada na Ría de Ferrol, para este Venres 17 de Xuño de 2011. Esta entrada dun buque cargado con gas natural licuado para Reganosa, supon xa a 93, desde que o fixera o LNG "Galicia Spirit" en Maio de 2007.
Diante do aumento da ameaza contra a seguridade e a vida, que supón a entrada do buque gaseiro, xunto á propia instalación da Planta de Gas en Mugardos, o Comité Cidadán de Emerxencia convoca unha acción de protesta e denuncia, consitente nunha Concentración Sonora, o mesmo Venres, ás 8 da Tarde, mais desta volta a Concentración terá lugar No porto de Ferrol, Peirao de Coruxeiras -Antiga Fábrica de Xelo, unha nova forma de acción, rotando as mobilizacións por diferentes lugares e barrios, dun xeito itinerante, co obxectivo de chegar coa protesta a un número maior de persoas. Ademais de difundir entre a poboación, en sintese, 10 razóns para preguntar-se ... Por que Reganosa ten que saír da nosa Ría e das nosas Vidas?.

Antes de que suceda unha catástrofre

Ártabra 21

O Galicia de Mugardos fai oficial a renovación de Germán Amil e de oito xogadores

A xunta directiva do Galicia de Mugardos xa traballa na confección do persoal de face á próxima tempada. Logo de chegar a un acordo para a continuidade de Germán Amil á fronte do banco, comezouse a falar cos futbolistas e xa se produciron as renovacións de Agustín, Rubén Seco, Manel, Adrián Martínez, Rouco, Óscar Pérez, Fran e Juan Jesús, mentres que Jorge regresará á disciplina do As Pontes, conxunto do que estaba cedido, do mesmo xeito que Marcos Remeseiro ao Racing. Diego Seco causa baixa, porque se marcha a traballar a Cataluña.
Ao longo da semana vaise a continuar falando co resto de compoñentes do equipo, aínda que algúns dos que se lles ofreceu seguir, aínda non contestaron á proposición do club.
A intención do corpo técnico é manter o maior número posible de futbolistas e unha vez que respondan todos á oferta, estudaranse as posicións que hai que reforzar, aínda que xa se está en contacto con varios xogadores para tratar de potenciar o conxunto coa intención de non pasar os apuros desta tempada, na que non puideron certificar a súa permanencia ata a última xornada.

Diario de Ferrol

voltaaria.com

Exposición Murais "A Ría na Rúa" e "Marcha Reivindicativa"

10 RAZÓNS PARA PREGUNTARSE...¿Por qué Reganosa ten que saír da nosa Ría e das nosas Vidas?

Situación do LNG "Abuja"

O gaseiro “LNG Abuja”, que tiña previsto arribar hoxe a Reganosa, tivo que abortar a súa entrada á Ría debido ao mal tempo. Navega agora en alta mar, facendo o tempo até a próxima marea diúrna se as condicións meteorolóxicas permíteno.
O feito de que un gaseiro teña que demorar a súa entrada, un día ou máis, supón un custo engadido a unha Planta de Gas deficitaria, antieconómica, destrutiva do medio ambiente e do patrimonio, innecesaria e que mantén en perigo constante a toda a poboación da súa contorna.

O Comité Cidadán de Emerxencia mantivo a convocatoria para a CONCENTRACIÓN de hoxe mércores 18 de Maio ás 8 da tarde en Canido na Rua Alegre (fronte ao elevador da auga), en defensa das nosas vidas, da nosa ría e demandando a paralización do gasto de diñeiro público nunha planta innecesaria e deficitaria, e para esixir:

Perigo!! gaseiro 92 cargado con GNL para Reganosa

LNG "Abuja" en Reganosa 15/11/2010

Mañá mércores dia 18 de Maio está prevista a entrada dun novo gaseiro na Ría de Ferrol, trátase do buque gaseiro LNG "Abuja” , un vello gaseiro de máis de 30 anos de antiguedade, que coa súa perigosa carga de Gas Natural Licuado (LNG), para a ilegal Reganosa, faría o nº 92 que entra na Ría desde Maio de 2007, poñendo en alto risco de inseguridade a miles de persoas.

Unha vez máis esta irresponsabilidade non pode quedar sen resposta, é por iso, polo que o Comité Cidadán de Emerxencia decide convocar a CONCENTRACIÓN de protesta, mañá mércores día 18 de Maio de 2011, ás 8 da tarde, en Canido na Rua Alegre (fronte ao elevador da auga).

Antes de que suceda unha catástrofre

Comité Cidadán de Emerxencia

ferrolsuso.blogspot.com

CONCENTRACIÓN no peirao

"91 Protesta lexítima"

Seguindo o recemente acordado sobre as concentracións rotatorias en distintos barrios da cidade, este venres 13 de maio, tivo lugar a concentración no Peirao de Ferrol, con motivo da entrada na ría do gaseiroº 91, “Norman Lady” cargado de GNL, un vello buque de 38 anos de antiguedade.

O Comité Cidadán de Emerxencia fixo patente – unha vez máis – o risco para a vida da cidadanía deste tráfico ilegal dentro da nosa ría, só en beneficio dos promotores dunha Planta de Gas innecesaria, deficitaria, perigosa e ecoloxicamente destructiva.

Comité Cidadán de Emerxencia
Máis info en Ártabra 21

¡¡Goberne quen goberne,Galiza non se vende!!

Manifestación de hoxe en Compostela, en contra da destrucción do territorio.


Foi das menos concurridas de todalas celebradas polo de agóra, (entre 800 ou 1000 persoas).


Ainda así, e pese ao chaparrón de última hora, o "Comite de Emerxencia para a Ría de Ferrol" , fixo acto de presenza, e berrou contra a ilegal planta de gas.

ferrolsuso.blogspot.com

O Galicia de Mugardos perde ante o Soneira

Galicia de Mugardos 2-4 Soneira S.D.

O Galicia de Mugardos perdeu esta tarde na Pedreira ante o Soneira por 2 a 4 e vístese de “sufridor” nas duas proximas xornadas.

O equipo de Germán Amil deberá gañar os dous vindeiros partidos para asegurarse un posto na Preferente Autonómica do ano que ven aínda que tamén terá que esperar polas combinacións que se produzcan. Esta tarde non tivo sorte pero tamén os xogadores mugardeses non estiveron afortunados cara a porta rival. Comezou marcando o Soneira no primeiro minuto de partido. O equipo rival rouba un balón no medio do campo e o xogador Jorge Vigo foise da defensa e marcou por enriba da porta que defende Agustín. No minuto 38 de partido, o local Juan Jesús empatou para o Galicia de penalti que asubiou o colexiado do partido. Con empate a un tanto chegouse ao descanso.

Na segunda parte Suso Peña adianta ao conxunto de Germán Amil dunha xogada onde o rexeite da defensa chega aos pes de Peña que dende fóra do área bate ao porteiro visitante. A partir de aquí o Soneira remontou este resultado adverso e logrou darlle a volta á tortilla. Asi empatou o partido no minuto 65 co gol de Vituco e de novo este xogador colocou o 2 a 3 no minuto 78 de partido. Xa cumplíndose o tempo regulamentario o xogador Quique sentencia para o equipo visitante conseguindo o 2 a 4.

voltaaria.com

Perigo!! gaseiro 90 cargado con GNL para Reganosa

LNG "Finima" fondeado na Ría de Ferrol

O venres día 6 de Maio está prevista a entrada dun novo gaseiro na Ría de Ferrol, trátase do buque gaseiro LNG "FINIMA” que coa súa perigosa carga de Gas Natural Licuado (LNG), para a ilegal Reganosa, faría o nº 90 que entra na Ría desde Maio de 2007, poñendo en alto risco de inseguridade a miles de persoas.

Unha vez máis esta irresponsabilidade non pode quedar sen resposta, é por iso, polo que o Comité Cidadán de Emerxencia decide convocar a CONCENTRACIÓN de protesta, o venres día 6 de Maio de 2011, ás 8 da tarde, na Praza de Amboage. Continuando asi a rotacion das convocatorias polos distinto barrios da cidade.

Antes de que suceda unha catástrofre

Comité Cidadán de Emerxencia.

O CCE co Eurodeputado Willy Meyer

Antonte tivo lugar unha xuntanza do Comité Cidadán de Emerxencia para a Ría de Ferrol co Eurodeputado de Esquerda Unida Willy Meyer, para abordar a amenaza que supón a Planta de Gas de Reganosa.

Na reunión, Willy Meyer, comprometeuse a presentar novas denuncias contra a Planta de Gas, diante da Comisión de Peticións e outros diferentes organismos da Unión Europea, pola peligrosidade da ubicación, e por tratarse dunha instalación ilegal, deficitaria e innecesaria, e que pretenden ampliar.

Denunciaranse tamén, a través deste Eurodiputado, as novas agresións de Reganosa contra a Ría de Ferrol, entre outras a pretensión de dragar o canle de entrada.

Comité Cidadán de Emerxencia