Outro gaseiro á deriva

LNG Suez Matthew

O servizo de gardacostas dos EE.UU. asistiu a un gaseiro á deriva a 16 millas de Provincetown (Massachusetts) cando se dirixía á terminal de GNL de Everett en Boston.

Esta é a segunda vez nun ano que un gasero perde a propulsión.

Inspectores e tripulación do USCG embarcaron no LNG "Suez Matthew" para avaliar a situación da urxencia mentres que o gaseiro está sendo asistido por dous remolcadores. A avaría xurdiu pola perda de presión nas caldeiras de vapor. A primeira caldeira recupérase tres horas máis tarde e a segunda dúas horas despois.

Via: Plataforma Ártabra 21

A nova en ReganosaDemolizón

Muros de Silencio. El Caso Reganosa

Muros de silencio: Corrupción y amenaza en la Ría de Ferrol, el caso Reganosa

Hai libros soterrados baixo terra e tamén os hai soterrados polo silencio. Non porque non teñan interese. Ao contrario. Hai moreas de silencio sobre eles, xusto porque son moi interesantes. É o caso do que leva como un agoiro por título Muros de silencio, e por ben claro subtítulo: Corrupción y amenaza en la Ría de Ferrol, el caso Reganosa, do que son autores Carmelo Teixeiro, Enrique Barrera e Manuel Ángel Rodríguez Carballeira, e que está editado pola asociación Fuco Buxán.

Este é un libro que revirita malia o silencio. Que brinca por riba dos balados, das sebes e dos foxos. Velaí está contada polo miúdo toda a historia, a coñecida e a oculta, da gran planta de gas chantada no interior da Ría de Ferrol. Como é posíbel que se permitira o emprazamento de semellante complexo no interior da Ría? Dende a razón medioambiental, é un despropósito que non tería lugar en ningunha parte do mundo civilizado. Eu xuro que nunca me crin que for adiante, ata que espertei e Reganosa estaba alí. Por que esa teimosía en metela no medio do hábitat veciñal ao tempo que se cavaba un xigantesco porto exterior?

Os muros de silencio

Ler gratis Muros de silencio, el caso Reganosa, 1ª parte

Ler gratis Muros de silencio, el caso Reganosa, 2ª parte

Vítimas de explosións de gas piden controis

Cinco asociacións de vítimas de explosións de gas anunciaron onte a creación dunha plataforma para esixir melloras nos controis e supervisión das redes de distribución de gas en España.

O colectivo, que aúna a afectados das explosións de Santa Coloma de Gramenet, Cornellà de Llobregat, Lleida, Tarragona e Palencia, solicitou onte á comisión de Industria do Congreso dos Deputados investigar as numerosas explosións de gas ocorridas en España durante os últimos oito anos: un total de 22 que causaron case 80 mortos, segundo as cifras da incipiente plataforma.

Os afectados manifestaron que a repetición de accidentes demostran unha falta de seguridade nas instalacións de gas cidade e por iso piden unha investigación parlamentaria que poida facilitar maiores medidas de control no sistema de distribución deste servizo.

Nunha presentación paralela en Palencia e en Santa Coloma de Gramenet, os afectados tamén solicitaron unha normativa específica para que as empresas que prestan o servizo estean obrigadas por lei a outorgar unhas mínimas compensacións ás vítimas destas explosións.

Via: elPeriódico.es

Santako

Bo Nadal

Rexeneración dos areais

Os buldozers da empresa Tragsa xa traballan na praia de Caranza. Trátase dun novo achegue de area procedente do porto exterior para a mellora e ampliación da praia, na que se verterán ao redor de 50.000 metros cúbicos de áridos durante os próximos meses co fin de optimizar as prestacións do areal ferrolán.
Inicialmente estaba previsto comezar estas tarefas, aproveitando os áridos que xorden do dragado de Caneliñas, pola zona de San Felipe , para continuar pola Bestarruza, en Mugardos, e concluír en Caranza. Con todo, a oposición mostrada polas confrarías da ría ante este calendario fixo que Costas reformulase toda a súa programación inicial e, tras unha reunión cos responsables dos depósitos, decidise empezar por Caranza.

Diario de Ferrol

As dúas plantas de gas de Canarias son ilegais

O portavoz de Ben Magec Ecologistas en Acción, Alberto Martín, insistiu este xoves en que os proxectos das dúas plantas de gas de Gran Canaria e Tenerife que se adxudicaron ás empresas Técnicas Reunidas e Acciona "son ilegais porque seguen faltando trámites que pasar".
Neste sentido, Martín asegurou que o comisario de Medio Ambiente da Unión Europea, Stavros Dimas "volveu a abrir o proceso polas serias dúbidas que lle xera".
Ademais, o portavoz do colectivo manifestou que Dimas tamén solicitou "información urxente ao Reino de España sobre este proxecto, entre outras cousas polas queixas que presentamos".
O mércores fíxose público a adxudicación en consorcio da construción de dous terminais de gas natural licuado (GNL) en Canarias por un importe de entre 450 e 490 millóns de euros.
O promotor do proxecto é Gascan, compañía transportista de gas participada por Unelco (Endesa), Sodecan e outras empresas canarias, cuxo obxectivo é introducir o gas natural como fonte de enerxía en Canarias.

Canarias, paraiso de la corrupción
En Chuza (tximbalee)
Tenerife en línea
O porto de Granadilla é ilegal

Potencia Enerxética

A Xunta de Galicia ten na actualidade unha presenza significativa en empresas estratéxicas para o sector enerxético galego. Aparte da súa participación na eólica, o Goberno autonómico é accionista maioritario da Sociedade Galega de Medio Ambiente (Sogama) , na que conta cun 51% do capital. O resto está en mans de Unión Fenosa. Sogama é a empresa encargada de xestionar os residuos de 280 concellos cunha poboación total superior aos 2,2 millóns de persoas. Concretamente, o ano pasado tratou o 80% do lixo de Galicia e máis de medio millón de toneladas de residuos urbanos. A facturación ascendeu a 80,1 millóns de euros, dos cales 30 millóns corresponderon a ingresos procedentes da venda de enerxía.

Reganosa é unha compañía privada que recibe, almacena e transforma gas natural licuado a través da súa terminal de Mugardos, na Ría de Ferrol. A Xunta controla o 10% do accionariado da sociedade que, despois de tres ampliacións de capital, ascende a 34,4 millóns de euros.

En Reganosa tamén están presentes outras compañías galegas relevantes, como son Grupo Tojeiro (do propietario de Gadisa), Caixa Galicia, Banco pastor e Caixanova.

A nova no Xornal

ANDANADAS DE GAS

Técnicas Reunidas e Acciona adxudicáronse en consorcio a construción de dous terminais de gas natural licuado (GNL) en Canarias.

O promotor do proxecto é Gascan, compañía transportista de gas participada polo goberno canario o grupo enerxético Unelco (Endesa), Sodecan e outras empresas canarias, cuxo obxectivo é introducir o gas natural como fonte de enerxía en Canarias.

As terminais construiranse en Granadilla (Tenerife) e Arinaga (Gran Canaria), e fundamentalmente destinaranse a prover gas natural para a xeración eléctrica a través de plantas de ciclo combinado, que substituirán progresivamente ás centrais existentes que actualmente consomen gasoil.

Artigo orixinal

Mentiras con gas

Outro gaseiro que non pode entrar a Ría de Ferrol

Imaxe do “LNG Lagos” en Reganosa 19/11/2008 (ROISBALO)

De novo un gaseiro cargado con GNL para Reganosa ten que abortar a súa entrada debido ás condicións meterolóxicas.
O “LNG LAGOS” un vello gaseiro de 32 anos de antiguedade (23 deles inactivo) tiña prevista a arribada a Ría de Ferrol o sábado 13 de Decembro, na pleamar da tarde, e vese forzado a desistir de cruzar o angosto canle da Ría debido as previsións de mar gruesa e ventos fortes que poderían provocar o seu desplazamento contra a costa e causar un tráxico accidente.

Nova Comité Cidadán

Domingo 14 Decembro: Concentración

"LNG Lagos" Segundo día agardando poder entrar

A que cheira o gas?

Cando o frío aperta, todo o mundo bota man de calefacción, radiador ou auga ben quentiña.
Pero os quentadores en mal estado causan máis dun susto nestas datas. Nos últimos corenta días, dúas familias de Ferrolterra ingresaron no hospital intoxicadas por gas.

Artigo no Correo Gallego

Diario de Ferrol

Galicia, Berlusconi e Albania

Os cidadáns de Brindisi (Italia) lograron cancelar a regasificadora de gas natural licuado (GNL) que British Gas pretendía situar no porto desta cidade. Anteriormente, a empresa pública italiana Enel apartouse do proxecto e comentouse que a decisión tomouse logo dunha reunión entre Tony Blair e Silvio Berlusconi para buscar unha saída que acelerase os trámites de aprobación da localización desta planta regasificadora. Ante as denuncias e protestas dos veciños a xustiza italiana realiza a correspondente investigación e procesa ao presidente e a dous directivos de British Gas de Italia, ao ex-alcalde da cidade e a unhas doce persoas máis e acusa a algunhas de suborno. A Unión Europea abre expediente con certa prema porque a planta regasificadora non observara a lexislación comunitaria sobre Avaliación de Impacto Ambiental e a lei sobre Medidas de control dos riscos inherentes aos accidentes graves nos que interveñan sustancias perigosas (Directiva Seveso). Xa comentamos anteriormente que a Unión Europea non foi tan diligente no caso da planta de gas da ría de Ferrol, xa que esta tampouco ten en conta estas Directivas Europeas... (máis info)

Berlusconi afasta da poboación a planta de gas de Brindisi

IX Encontro Mundial do GNL

Principais Fluxos Mundiais de Gas Natural e de GNL

Stream, a sociedade conxunta formada por Repsol e Gas Natural que opera no mercado mundial de gas natural licuado (GNL) , participa no IX Encontro Mundial do GNL que se celebra esta semana en Barcelona, e no que van estar representadas as principais compañías do sector.

Gas Natural e Repsol patrocinan a IX edición do CWC Encontro Mundial do GNL, que se celebra por primeira vez en Barcelona como proba do dinamismo do mercado español do GNL. España é o principal país de Europa receptor desta enerxía. En 2007, as seis plantas de regasificación de España recibiron o 50% de todas as importacións de GNL a Europa.

Artigo orixinal

Nova no Xornal (15/12/2008)

"Senda do Segaño"

Foto Romarin

A contorna litoral entre os municipios de Mugardos e de Ares na ría de Ferrol está enlazado desde hoxe cunha senda costeira de cinco quilómetros de lonxitude.
O carreiro, que se poderá utilizar para rutas "a pé, dacabalo ou en bicicleta" , conta con importantes valores naturais, históricos e patrimoniais, que permiten a súa integración na Rede Europea de carreiros da Cornixa Atlántica, que se estende entre San Petersburgo e Lisboa.

A nova en Europa press
Diario de Ferrol
El Correo Gallego

Axencia Galega de Emerxencias (AXEGA)

Fai case un ano que botou a andar a Axencia Galega de Emerxencias (Axega), un novo organismo co que a Xunta pretende dar unha atención "integral e integrada" ás situacións de urxencia, en palabras do xerente, o navarro Francisco Echeverría.

Un accidente na autoestrada non é o peor que pode pasar en Galicia. A refinería da Coruña, a planta de Reganosa en Mugardos, os miles de petroleiros que cruzan as costas galegas.

P.- ¿Estamos preparados para unha destas urxencias?

R.- Hai plans de actuación para nevadas, incendios ou accidentes con mercancías perigosas, por exemplo, e están moi ben desenvolvidos en comparación aos doutras comunidades. Tamén hai plans específicos para a refinería ou Reganosa, por exemplo, que por lei está obrigada a ter un plan de urxencia interior e exterior. En canto á capacidade de resposta, hai recursos por toda Galicia, outra cousa é como se distribúen.

Entrevista completa

“O caso Reganosa” no Foro Social Galego

Hoxe sábado 6 de Decembro, na Facultade de Filoloxía de Santiago, un dos puntos neurálxicos do FSGal, ás 12h, e a proposta de Fuco Buxán, do Comité Cidadán de Emerxencia e da ONGD Acsur – Las Segovias, celebrarase un debate que afecta á Ría de Ferrol. Este celébrase baixo o título “Galicia, Territorio, Enerxía, Seguridade, Mobilización Social: O caso Reganosa”.
Participarán: Manuel Rodríguez Carballeira (Voceiro do CCE e presidente de Fuco Buxán, Luz Marina Torrente (Presidenta da Plataforma de Veciños de Meá – Mugardos), os profesores Manuel Amorím e Carlos Álvarez e o ecoloxista Humberto Fidalgo.

Foro Social Galego programa

O PP de Mugardos preséntase como acusación particular na "Operación Virgin"

Foto PPdG en Flickr

O Partido Popular do Concello de Mugardos decidiu comparecer (un ano despois) como acusación particular no proceso xudicial sobre a Operación Virgin, na que o Xulgado número 4 de Ferrol investiga unha suposta trama de favores entre o departamento municipal de Urbanismo e empresas privadas. O voceiro do PPdG, Domingo de Deus Fonticoba, argumentou que a decisión de comparecer como acusación particular responde á "falta de colaboración" do alcalde, Xosé Fernández Barcia, coa Comisión de Investigación creada logo da intervención policial.

Artigo orixinal en Vieiros

A falsa tramitación ambiental de Reganosa validada polo Supremo

Pérdese unha batalla, pero non a guerra. A loita continua

O Tribunal Supremo acaba de emitir un fallo que anula unha sentenza ditada polo Tribunal Superior de Xustiza de Galicia (TSXG) contra o permiso ambiental de Reganosa. O Concello ferrolán presentou no 2001 -cando estaba gobernado por BNG e PSOE- un procedemento contencioso-administrativo contra a declaración de efectos ambientais da regasificadora ferrolá. O TSXG ditaminou que a Xunta tería que estudar o recurso de alzada do Concello, que defendía a necesidade de que o proxecto contase cunha declaración de impacto ambiental, máis esixente que a de efectos ambientais que ten a planta. A Xunta e Reganosa recorreron esa decisión, que agora avala o Supremo.

AVoz de Reganosa

Explosión en Gavà: A auga mata

As mentiras, en ocasións repítense tanto que chegan a parecer verdade. Por exemplo a que di que o gas é a enerxía máis perigosa, por encima das demais. As cañerías do gas están expostas a controis constantes para evitar fugas. Mentres tanto as de auga verten millóns de litros cada día que se perden polo seu mal estado.

Artigo de Albert Castillón

A "lista negra" do gas

Estado do bloque de vivendas de Gavá tras a explosión

Máis de medio centenar de mortos. Este é o tráxico balance de vítimas das explosións de gas rexistrados en España nos últimos oito anos. Descoidos coas estufas, deflagracións por unha mala revisión das instalacións, accidentes laborais e explosións provocadas son algunhas das causas que aumentan cada ano esta dramática lista.

Artigo orixinal
En Chuza tximbalee

A automoción non ten mercado, o naval sí

A automoción agora non ten mercado, o sector naval, si. Así se puxo de manifesto na reunión dos promotores da Iniciativa Lexislativa Popular para a reactivación de Navantia Fene. Os asistentes á xuntanza celebrada na Feira de Mostras de Ferrol indicaron que o compromiso de Zapatero para renegociar as prohibicións coa Unión Europea, reforza esta proposta.

Artigo orixinal
Quin.TV
O naval resiste á crise

Entrevista a Mabel Rivera, actriz e activista de movementos sociais

Foto albenizteatro

Mabel Rivera é actriz e unha cidadá moi activa nas mobilizacións e movementos sociais que aspiran a cambios sustantivos en situacións de inxustiza e en atropelos inadmisibles ao medio. Mabel Rivera interpretou un dos papeis máis fermosos da cinematografía española. Recorden "Mar adentro" e pensarán nela, e seica acordarán comigo que nunca un Goya foi outorgado de forma máis merecida.

Entrevista completa en Rebelión

Hoxe non merquei nada

O Día Sen Compra é un día simbólico contra o noso modelo de consumo, social e ambientalmente insostible. Este día serve para recalcar que necesitamos outros 364 días dun consumo crítico e sostible (consumo local, ecolóxico, xusto, reutilizando e só o necesario).

Via Ecoloxista en acción

¡Que veñen os rusos!

A inminente integración de Unión Fenosa en Gas Natural está ligada ao futuro de Repsol. Pero a gasista catalá necesita saber quen será o seu accionista de referencia antes de liquidar a súa opa sobre a eléctrica galega. E o futuro dono da compañía resultante dependerá das intencións de Lukoil se finalmente entra en Repsol. Os analistas apostan por que será La Caixa quen se fará co control de Unión Fenosa-Gas Natural, aínda que manteñen dúbidas respecto dos calendarios.

¿Interésalle a Lukoil controlar Gas Natural?
Si. Aínda que a súa prioridade é o 30% de Repsol, facéndose co paquete dominante en Gas Natural, os rusos ampliarían o seu mercado gasístico. Agora manteñen activos na prospección e extracción de petróleo e gas. Pero o tándem Unión Fenosa-Gas Natural controlará un mercado de 20 millóns de clientes e case 19.000 megawatts de potencia instalada. Fenosa achegará as súas participacións nas plantas de regasificación de Sagunto e de Reganosa e nas de licuefacción de Damietta (Exipto) e Qalhat (Omán). Ademais, sumará 6,5 bcm (miles de millóns de barrís), aos 25 que xa posúe Gas Natural. Sen dúbida, un bocado apetitoso para Lukoil.

Esta vez non foi a néboa... Foi o vento

O gaseiro “Bilbao Knutsen” coa súa carga de gas natural licuado tiña previsto entrar na pleamar desta tarde cara á Reganosa, pero o forte vento fixo imposíbel o acceso do gaseiro á Ría de Ferrol.
Mais a acción de protesta tivo lugar diante do Edificio Administrativo da Xunta de Galicia en Ferrol. Berros de frases cargadas de razóns alertaban do perigo que supón a entrada de gaseiros para a ilegal e perigosa Reganosa.

Via ferrolsuso.blogspot.com

Manda carallo.. non hai dereito

Foto Romarin

Ver para crer.
Quen tivo esta idea tan xenial. Sera idea do noso rexedor?
En Mugardos, á altura do Castelo da Palma, desde o martes pasado a estrada que vai á punta do Segaño esta cortada deste xeito.
É unha magoa por toda a xente que vai pescar, a fotografar ó mesmo a coñecer sitios preciosos da Ría de Ferrol.

25 de Novembro, Fun, Fun, Fun

by Morgan

Este 25 de Novembro en Ferrolterra :

Ás 6 da tarde, Asamblea Xeral Extraordinaria da Plataforma Ártabra 21, para acordar a súa disolución ou transformación, esta asamblea celebrase no Ateneo Ferrolán.

Ás 6:30 da tarde, presentación do I Plan contra a Violencia de Xénero e o II Plan de Igualdade de Oportunidades do Concello de Mugardos 2008-2011 durante o I Foro de Participación das
Mulleres, no Centro Cívico de Mugardos.

Ás 7 da tarde, nova CONCENTRACIÓN, na Praza Amada Garcia diante do Edificio Administrativo da Xunta de Galicia, ante a entrada na Ría do 36º gaseiro ilegal cargado con GNL-LNG, para a ILEGAL E PERIGOSA REGANOSA.

Ás 8 da tarde, CONCENTRACIÓN na praza 8 de Marzo, con motivo do "DÍA INTERNACIONAL CONTRA A VIOLENCIA MACHISTA", convocada pola MARCHA MUNDIAL DAS MULLERES.

Ás 8 da tarde, Mesa Redonda – Coloquio “A DEFENSA MEDIOAMBIENTAL: UNHA VISIÓN PLURAL” no Centro Civico de Caranza.

Támen ás 8 da tarde, no Teatro Jofre, Tertulia – Presentación da obra de Teresa Moure "UNHA PRIMAVERA PARA ALDARA".

LNG "Bilbao Knutsen" 36º Gaseiro Ilegal

Foto Xoán Porto

Mañá martes 25 de Novembro ten previsto entrar na Ría o LGN “Bilbao Knutsen” , 36º gaseiro ilegal cargado con GNL para Reganosa, ante isto O Comité Cidadán de Emerxencia convoca una nova acción de protesta con CONCENTRACIÓN ás 7 da tarde, diante do Edificio da Xunta de Galicia (Praza Amada García – Ferrol)

Manifestación polo cumprimento do Plan Ferrol

A manifestación, cunha pancarta central co lema "Polo cumprimento dos compromisos con Ferrol, Eume e Ortegal", estivo encabezada polos representantes comarcais dos sindicatos CIG, UXT e CCOO, o presidente da Cámara de Comercio, e os responsables das asociacións de empresarios CEF e Cefeor, maioritarias na comarca. A protesta, que se iniciou ao redor das 12.15 horas no peirao de Curuxeiras coa participación de pouco máis de medio milleiro de persoas, concluíu na praza de Armas cun maior seguimento, logo de percorrer as principais rúas da cidade.

Artigo orixinal (máis info)

Anosaterra

Contra o "esquecemento" da comarca

Opinión Felipe do Muhíño

A herba artificial chegará ao campo do Galicia a próxima tempada

Sociedade Deportiva e Cultural Galicia de Mugardos

Chegará con ela (a herba) tamén o ex presidente?
Aupa Caco!

Artigo orixinal (en arameo)

Planta satélite de gas natural licuado en Ribeira

” O 17 de outubro de 2008, foi publicada no DOG a “Resolución do 1 de outubro de 2008, da Dirección Xeral de Industria, Enerxía e Minas, pola que se somete a información pública a solicitude de autorización e a aprobación do proxecto de execución da planta satélite de gas natural licuado (GNL) para a subministración á rede de distribución de gas natural do termo municipal de Ribeira (A Coruña), promovido pola empresa Gas Galicia SDG, S.A.”
“No proxecto fálase dun suposto de consumo máximo de gas (1 hora punta de 3500m3 máis 10000 m3 totais ao longo do resto do día) que levaría a unha frecuencia de 6 enchidos por mes. Isto supón practicamente un camión de 35 m3 de gas licuado circulando pola estrada dende a planta de Mugardos ata Ribeira, co conseguinte perigo potencial.
Por outra banda, non hai que esquecer que a planta de Mugardos está a traballar ilegalmente, e a posta en funcionamento da planta de Ribeira incidiría na súa produción e polo tanto na súa ilegalidade”.

Via ReganosaDemolizón

Fotodenuncia en Greenpeace

Orixinal de Xoán Porto

Xa fai máis dun ano enviei esta foto recortada en denuncia a Greenpeace de Forestal do Atlántico e Reganosa.
A Planta de Gas de Reganosa, fíxose encostada a un complexo petroquímico chamado Forestal do Atlántico onde existen almacenados combustibles, hidrocarburos, planta de colas, produtos químicos tóxicos e cancerígenos.

A lancha de Mugardos a metade de prezo

O feito de que a lexislación europea agora permita subvencionar o transporte metropolitano favorece a recuperación do servizo de lanchas entre os portos de Ferrol e Mugardos. De ser así, a viaxe por mar podería entrar a formar parte do plan que xa opera para a área de Ferrol e comarca.

En canto ao apartado económico, cabe recordar que a contía da viaxe en lancha, segundo as últimas referencias, ascende a tres euros, dos que o usuario só tería que facer fronte ao pago de 1,75 euros, mentres que a cantidade restante (1,25) debería de ser achegada entre o Concello e a Xunta.

Artigo orixinal

15.000 firmas por Astano

Foto Xoán Porto

O sector naval está a resistir á crise. Coas carteiras de pedidos cheas para varios anos, os estaleiros contan cun "colchón" que lles permitirá salvar o bache económico que azouta ao mundo. Con ese convencimento máis de 50 entidades de Ferrolterra prepáranse a presentar unha iniciativa lexislativa popular que permita o retorno da antiga Astano á construcción naval civil. Mentras tanto as polémicas en torno ao estaleiro refléxanse nun blog específico onde tamén se recollen fotografias históricas da factoria.

Artigo orixinal
En Chuza por tximbalee

Concentración do Comité Cidadán, con motivo da entrada do gaseiro nº 35

Via /ferrolsuso

O gasoduto proxectado en Pontedeume afecta a 232 leiras

O gasoduto que a empresa Gas Directo promove en Pontedeume afectará a 232 leiras e camiños do municipio que pertencen a uns 180 propietarios entre os que se atopan particulares, a Administración e empresas. O novo ramal a Pontedeume terá o seu inicio en Miño, no gasoduto que discorre por Mugardos, Betanzos, Abegondo e Sabón e que pertence á rede de conducións asociadas á planta de gas que Reganosa posúe en Mugardos. A tubaxe finalizará no núcleo urbano de Pontedeume.
Quen desexen consultar o proxecto e presentar alegacións, se o estiman oportuno, teñen de prazo ata o 5 de decembro para facelo na Dirección Xeral de Industria, en Santiago, ou na Delegación de Industria na Coruña.

Artigo orixinal

Gasoduto ao servizo de quen?

Perigo na Ría: Trixésimo quinto gaseiro

Gaseiro “LNG Lagos”, atracado no Muelle Sur de Tenerife

LNG LAGOS (ex "Gastor") Construído en 1976 nos estaleiros Chantiers de L´Atlantique (ALSTHOM), para a compañía Nederlandsche Scheepvaart Unie, foi entregado en 1977.
De 87.472 toneladas de rexistro bruto, ten 275 metros de eslora, 42 metros de manga, 13 metros de calado e capacidade de 122.255 metros cúbicos.
Logo de 23 anos inactivo (LochStriven), foi comprado por BGT en 1990 (LNG LAGOS).
En maio de 1999 pasou aos estaleiros Sobrena, en Brest (Francia), para reformas.
Está rexistrado baixo pavillón de Bermudas e clasificado en Bureau Veritas.

Con motivo da entrada na nosa Ría do gaseiro nº 35 rumbo a Reganosa. O Comité Cidadán de Emerxencia para a Ría de Ferrol. Convoca unha CONCENTRACIÓN, mañá mércores, 19 de Novembro, ás 7 da tarde na Praza Amada García (Edificio Xunta de Galicia).

Voces da IX Asemblea - Iolanda Díaz

Vídeo de ceronegativo

Así, Non
IX Asamblea de Izquierda Unida
A blogoesfera de EU/IU e a súa contorna

Cambiou o goberno, pero ¿cambiaron as políticas?

Vídeo ComiteCidadan

Entrevista a Rafael Pillado portavoz do Comité Cidadán de Emerxencia para a Ría de Ferrol o día do VI Aniversario do desastre do Prestige.

Un caixón chamado María José

A Mirada Detida

I Certame do Concurso Fotográfico Internacional A Mirada Detida, convocado polo Concello de Valdoviño xa ten gañador. A entrega de premios terá lugar a partir do 20 novembro do 2008. A data, lugar e hora da entrega será publicada na web do Concello de Valdoviño e notificada persoalmente aos gañadores.

"GALIZA NON S€ VENDE"

Vídeo fucobuxan

Membros do Comité Cidadán de Emerxencia para a Ría de Ferrol, pecháronse onte día 13 de Novembro, nos Concellos de Ferrol e Mugardos, seguindo a convocatoria da Rede GALIZA NON S€ VENDE, o cumplirse o 6º aniversario do desastre do Prestige, en denuncia das agresións medioambientais que estamos a padecer en distintos puntos de Galicia. Na Ría de Ferrol o tema central da movilización foi –unha vez máis- a perigosa ubicación da Planta de Gas no interior da Ría.

"Goberne quen Goberne: GALIZA NON S€ V€ND€"

Coincidindo co sexto aniversario da maior devastación ecolóxica que tivo lugar no noso país, a rede Galiza Non S€ Vende alerta dun novo "Prestige" que navega polas augas dos mercados capitalistas ata as consellarías da Xunta, se ben este é máis destrutor que o anterior. Para denunciar esta ameaza medioambiental, activistas de GNSV pecháronse esta mañá en diversos edificios públicos de Coruña, Vigo, Ferrol, Ourense, Compostela, Mugardos e Ribadavia e fixeron entrega do manifesto no Concello de Cangas.

E se o amigo alxerino pecha a billa?

Non só somos dependentes en máis dun 80% do exterior á hora de adquirir a materia prima necesaria para satisfacer as nosas necesidades internas de produción e consumo senón que, ademais, ocorre, en casos como o do gas natural, que devandita subministración está concentrado en poucos provedores de perfil marcadamente estatal, como a alxerina Sonatrach.

Entrada ilegal do 34º gaseiro

Entrada ilegal do 34º gaseiro a planta de gas.
Ínstase a ou tribunal supremo que dite sentenzas sobre sentenzas do ano 2004.
Tamén denúnciase unha fraude de dobre contabilidade de Reganosa.

VII Festa Amigos de Santa Catalina

Con motivo da festividade de Santa Catalina, a Asociación de Amigos do Mosteiro que está en Montefaro convoca para o día 22 do presente mes a festa reivindicativa a favor da divulgación do patrimonio cultural e artístico vinculado ao cenobio. Como nas seis edicións anteriores, a presente dará lugar a actuacións musicais, actos relixiosos e comida de confraternidade. O programa arrinca a media mañá, sobre as 11.30, coa primeira das interpretacións musicais, que correrá a cargo da Banda de Gaitas de Ares.

Montefaro

Foto de romarintyp

E pensar que to quisqui por Ferrolterra, temos que orientar as antenas cara aquí, se non, non vemos a tele.

Unha ducia de procesos xudiciais abertos

Das dimensións do negocio de Reganosa non só dá conta o seu endebedamento e o seu volume de ingresos e beneficios. Tamén as frontes xudiciais que ten abertos a polémica regasificadora. De acordo co informe de xestión que acompaña a memoria da compañía, só ao peche de 2007 eran unha ducia os litixios que os responsables xurídicos cualificaban de "significativos"...

Artigo orixinal

Será a fusión de Gas Natural e Unión Fenosa un monopolio?

A resposta tena a Comisión Nacional de Competencia tras ter sobre a súa mesa un informe encargado á Comisión Nacional da Enerxía. No estudo valóranse todos os detalles da compra e xa se mandan serias advertencias: a perda dun competidor no negocio do gas e que a fusión achégase a unha estrutura de monopolio.

"A Ría na Rúa". Exposición e Magosto

Onte 1 de Novembro, no Centro Cívico de Caranza tivo lugar o acto final da campaña "A Ría na Rúa", cun Magosto Popular e a Exposición Colectiva dos 10 murais confeccionados o pasado día 25 de Outubro, por 10 artistas da Comarca, nun acto revindicativo e de denuncia contra o despropósito gasístico de Reganosa, coa localización dunha Planta de Gas no corazón da nosa Ría.



Video de Susete70 (Suso), Ferrol

Polo Samaín, caveiras eu vin ...

“Chega o outono e con él as castañas, as caveiras de cabaza; chegan as augas e os tempos escuros, remata o verán e encétase o inverno, vaise a calor e vén o frío: acaban as romarías ao sol e inícianse os fiadeiros a carón do lume: son os tempos de Samaín.”

Samaín: A Festa das Caliveras

Retales da loita contra Reganosa

Vídeo de Susete70 , Ferrol

Cruceiros & Gaseiros

O cruceiro Black Watch, da naviera Fred Olsen, saíndo onte da Ría, con máis de oitocentos turistas e 210 tripulantes. O cruceiro volverá estar na cidade xa o vindeiro luns.

O gaseiro "Madrid Spirit", o día 21 de Outubro, descargou na planta de gas de Reganosa 138.188 m3 de gas natural licuado (GNL). Cando volverá? non o sei, pero mellor que non volva.