7/28/2010

Endesa pon á venda o seu 21% en Reganosa

Planta de gas ao caron das vivendas de Mugardos


Endesa puxo en venda a súa participación do 21% na regasificadora galega de Reganosa, na que tamén contan con participación Gas Natural Fenosa (21%), a Xunta de Galicia (10%), o grupo Tojeiro (18%), Caixa Galicia (10%), Sonatrach (10%), Banco Pastor (5%) e Caixanova (5%).

A disposición para a venda destes activos súmase á intención de Endesa de vender o 80% do seu negocio de distribución e transporte de gas en España cunha opción que lle permita recuperar o activo no futuro.

O conselleiro delegado da compañía, Andrea Brentan, nunha conferencia con analistas, explicou que a eléctrica realizará en setembro a selección final entre "unha pequena lista" dos potenciais compradores e das ofertas vinculantes.

Recentemente, Endesa vendeu o 50,01% da súa participación na grega Endesa Hellas por 140 millóns, o 20% de Saggas por 43 millóns e 30 millóns de plusvalías...


Sem comentários: