O Concello de Mugardos alerta sobre o posible derrubamento da fachada do antigo cine Zárate

Ideal Cinema Zárate

O antigo cine Zárate de Mugardos presenta unha deterioración tan evidente na súa fachada que o Concello teme que se derrube parte da estrutura principal do edificio. Así llo fixo saber o alcalde do municipio, o nacionalista Xosé Fernández Barcia, á Xunta, que se comprometeu, en virtude dun convenio asinado en decembro do 2006, a transformar o monumento nun centro de día. Desde o Goberno galego aseguraron que habilitarán unha partida para tratar de facer fronte aos problemas do emblemático inmoble, pero aínda non hai unha data concreta para que comecen os traballos de consolidación.
«Se non actúase pode haber perdas irreparables no edificio», aseguraba hai poucos días o rexedor mugardés despois de manter un encontro de traballo con responsables do Executivo autonómico.

O convenio

A idea de construír no cine Zárate un centro de día empezou a xestarse a finais do 2006, cando o bipartito arrincaba o seu goberno na Xunta. Por aquel entón, o vicepresidente, Anxo Quintana, e o conselleiro de Industria, Fernando Branco, visitaron Mugardos para ver de primeira man o estado no que se atopaba o emblemático edificio e asinar un convenio de colaboración a tres bandas polo que o Concello se comprometía a negociar a compra do inmoble e a redactar o proxecto e a contratación das obras para levar a cabo a iniciativa. Pola súa banda, os diferentes departamentos do Goberno galego que se vían implicados nesta transformación achegarían o financiamento para que se convertese nunha realidade.
Con todo, o proceso se desaceleró pola necesidade dunha modificación puntual no Plan Xeral de Ordenación Municipal (PXOM) que permitía catalogar o chan que ocupa o cine Zárate como dotacional. Sen este cambio o Concello víase obrigado a actuar de forma conxunta en toda a mazá. Esta traba non se superou ata o ano pasado. [Ler máis]

A Voz de Reganosa

Un proxecto que se atasca

Ideal Cinema Zárate

A Xunta frea ata o próximo ano a construción do centro de día para maiores de Mugardos

O alcalde de Mugardos, Xosé Fernández Barcia, reuniuse o xoves co xerente do Consorcio de Igualdade e Benestar, Roberto Rodríguez. O obxecto do encontro era abordar a construción do centro de día para maiores da vila mariñeira e a posibilidade de que a escola infantil da localidade pase a formar parte da rede autonómica.
Segundo indicou o rexedor, Rodríguez comunicoulle que a redacción do proxecto do centro de día para maiores, que se situará no antigo cine Zárate, está terminado. Con todo, os traballos de remodelación do inmoble non poderán comezar este ano, xa que a Xunta «somentes tinga unha partida orzamentaria para vos equipamentos dous centros de día que se van a poñer en marcha». De todos os xeitos, o xerente do Consorcio de Igualdade e Benestar «comprometeuse a incluír a Mugardos nos proxectos construtivos» deste tipo de infraestruturas para o próximo exercicio.

Un proxecto que se atasca

Desde que no 2006 naceu a idea de ceder o antigo cine Zárate para a construción dun centro de día para maiores, á iniciativa chovéronlle contratempos. Ese mesmo ano rubricouse un convenio a tres bandas entre o Concello, as consellerías de Industria e Benestar, gobernadas entón polo BNG. No documento, o Concello cedía os terreos para que fose o Executivo autonómico quen liderase a rehabilitación do edificio. Con todo, esa cesión non se fixo efectiva ata dous anos máis tarde, xusto logo de asinar a súa adhesión ao Consorcio Galego de Servizos Sociais.
Con este trámite aínda non se salvaron todos os escollos, xa que a parcela figuraba no Plan Xeral de Ordenación Municipal (PXOM) como un espazo conxunto coa mazá. Isto implicaba que se se obraba nos terreos que ocupaba o cine, había que facelo dentro dun proxecto de remodelación global para toda a zona. Por iso, a intervención necesitaba a modificación puntual do PXOM. A Xunta desbloqueou este trámite en xaneiro, pero agora confirma que de momento non executará os traballos.

Diario de Ferrol

Desbloqueado o proxecto do cine Zárate

Ideal Cinema Zárate

A Consellería de Medio Ambiente, Territorio e Infraestruturas aprobou de forma definitiva a modificación puntual do Plan Xeral de Ordenación Municipal de Mugardos, o que representa o pistoletazo de saída tanto no que se refire á construción do centro de día como á rehabilitación integral do cine Zárate. Ambos os proxectos sitúanse nas inmediacións do actual edificio administrativo do Concello.

A autorización refírese a unha parcela de chan urbano non consolidado de aproximadamente 6.000 metros cadrados, dos que 3.760 son os reservados para a construción de tres novos elementos que se localizarán en contorna do Concello mugardés.

Así, unha praza de 700 metros cadrados ocupará o espazo central. No subsolo da mesma localizarase un aparcadoiro que terá carácter privado e nas inmediacións de ambos os servizos, un edificio funcional e moderno co que o Concello de Mugardos prevé atender a demanda social existente con respecto ao coidado das persoas maiores ou dependentes. A superficie correspondente á antiga sala cinematográfica supera os 1.400 metros cadrados.

Como se recordará, o Concello de Mugardos promoveu a reforma urbanística da parcela P4-O Concello coa intención de garantir a realización dun proxecto para o que xa conta co respaldo económico do Consorcio Galego de Igualdade e Benestar e agora tamén co visto e prace da administración autonómica no que á cuestión urbanística refírese.

No ano 2006 a Xunta implicouse na iniciativa coa firma do correspondente convenio entre a vicepresidencia de Anxo Quintana e o Concello de Mugardos, polo que se estableceu unha liña de colaboración entre ambas as administracións para recuperar un emblemático edificio, crear un centro dedicado á Terceira Idade ,e ata construír un albergue de peregrinos.

Os trámites, no entanto, atrasaron máis do previsto unhas intervencións que, en función do dito con motivo da firma do convenio, xa terían que finalizar. No seu día, considerouse probable que o conxunto das intervencións previstas poderían arrincar a partir do ano 2008.

Polo tanto, trátase dun proxecto que parte cunha demora de dous anos pero que, de levarse a cabo, viría significar un gran avance social para o conxunto da poboación local.

Diario de Ferrol

A fábrica de soños de Mugardos

Ideal Cinema Zárate

O Ideal Cine Zárate foi, durante moitos anos, o principal centro de lecer en Mugardos. Hoxe ruinoso, os seus restos representan a época dourada dos cines e por iso a arqueóloga local Xulia Vidal estudouno a fondo. Co resultado do seu traballo presentou un relatorio no congreso internacional de patrimonio industrial cinematográfico celebrado o pasado mes en Xixón.

O edificio atópase no número 37 da avenida de Galicia, da real vila, a escasos metros do Concello. Recibe o seu nome de Pedro Zárate Doménech, un indiano mugardés que adquiriu en 1924 o solar sobre o que construiría a sala cinematográfica. Foi o arquitecto Eduardo Rodríguez-Losada Rebellón (1886-1973) quen deseñou o edificio con criterios artísticos moi eclécticos, seguindo a moda da época, non diferente a outros cinematógrafos da Coruña, Pontevedra ou Vigo.

Os mugardeses coñecíano como Cine Vello. O edificio, di a arqueóloga na súa comunicación ao congreso, foi inaugurado o sábado 29 de maio de 1926 «coa renombrada actuación arxentina de Lles Pantaleoni e Aurora Gago», segundo recollía a prensa do momento... [Ler máis]

Foi a única sala na vila desde 1926 a 1949, que se inaugurou o Rex e co que coexistiu

«Paréceme ben que se reutilice sempre que se respecte a súa estrutura»