Reganosa, descarga e volve cargar o gas ...que se oculta aos cidadáns

Mugardos no alto risco con cargas e descargas do mesmo gas en Reganosa, unhas manobras sen sentido lóxico de extrema gravidade para a seguridade dos cidadáns e co incendio das Fragas do Eume a menos de 12 quilómetros.. Realmente para acolloarse ou sopesar a compra dunha vivenda nesa zona?

Este pasado martes, atracou na planta de gas REGANOSA o buque gaseiro “Catalunya Spirit”  con 135.000 m3 de gas natural licuado. Este gas procedente de Trinidade e Tobago, descarregouse na planta este mércores para ser volto a cargar de novamente hoxe no mesmo barco e con destino descoñecido..

O carregamento e descarregamento do gas natural son manobras que entrañan un alto risco.

No caso da planta de REGANOSA, situada no interior da Ría de Ferrol, os riscos son ainda maiores debido a dificultade que supón a navegación de estos grandes buques por unha estreita canle de entrada de 5km de lonxitude. Para estas operacións de entrada e atraque dos gaseiros precísase da axuda de 4 remolcadores e só se poden realizar en condicións optimas de visibilidade, que non sopren ventos de mais de 15 nos e coincidindo coa pleamar.

Resulta inexplicable que as autoridades permitan estas cargas e descargas que non aportan outra cosa que un risco gratuito para a veciñanza e un alto custo en cartos para o sistema gasista, que paganos todos e todas, e por riba repercutirá no encarecemento do gas.

Non sería máis doado, máis barato e máis seguro que o "Catalunya Spirit" continuase rumbo a o porto destino sen ter que descarregar e volta a carregar os 130.000 m3 de gas.

Que se esconde detrás destes ilóxicos, caros e perigosos trafegos de gas?

XornalGalicia.com

Perigo!! gaseiro 115 cargado con GNL para Reganosa

CATALUNYA SPIRIT en Reganosa 03/10/2011

Prevista a entrada na Ria do gaseiro cargado con GNL, nº 115 “LNG Catalunya Spirit” o Comité Cidadán de Emerxencia convoca

CONCENTRACIÓN

martes, 3 de abril 2012, ás 19 hs

Praza do Himno Galego (Esteiro – Ferrol)

 Antes de que suceda unha catástrofre

Comité Cidadán de Emerxencia

UN ESCÁNDALO PREVISIBLE

Por Rafael Pillado publicado no Diario de Ferrol

Refírome, está claro, ao que vén sucedendo coa ría e con aqueles que viven dela: mariscadores e pescadores.

En marzo do 2007 escribía, neste mesmo medio, un artigo titulado: “En defensa dos mariscadores”. Nel, valoraba que, “Bastida e cuantos con él colaboran, converteron á Confraría nunha das empresas importantes da comarca”. Non era tarefa fácil e para iso houberon de enfrontarse con múltiples problemas, de dificil solución. E sei de que falo, porque o meu pai foi Patrón Maior nunha época moi dificil, alá polos anos 70.

Un bon día, no mes de abril de 2009, os medios de comunicación recollían titulares como estes: “Imputado o ex patrón de Ferrol por malversación”, “O ex patrón maior de Ferrol declara como imputado por malversación de capitais”, etc. Días antes, dicíase: “A Xunta intervén a Confraría de Ferrol por falta de liquidez económica e por non entregar as contas dos anos 2005 e 2006”. O escándalo estaba servido e calculado.

Ao día de hoxe, a noticia é, mais ou menos, a que segue:“O fiscal pide o, arquivo da causa contra Bastida por malversación”. Ler o resto deste artigo 

Perigo!! gaseiro 114 cargado con GNL para Reganosa

O "LNG Edo" escorado nun dos pantaláns do Bony no Delta do Níger en Nigeria 

Estando prevista a entrada na ria , do vello gaseiro (32 anos de antigüedade) cargado con GNL nº 114 “LNG Edo” o Comité Cidadán de Emerxencia convoca

 CONCENTRACIÓN

mércores, 21 de marzo, ás 19 hs,

diante do Concello – Praza de Armas – Ferrol

Esta concentración terá lugar o dia previo ao comezo do xuicio contra 9 mariscadores acusados de participar na accion de protestaconvocada polo CCE en Maio de 2007, contra a entrada ilegal na Ria dos primeiros gaseiros cargados con GNL

O Comité Cidadán de Emerxencia fai un chamamento a toda a cidadanía a solidarizarse cos mariscadores procesados o vindeiro xoves 22, ás 10 horas, nos Xulgados de Ferrol.

Antes de que suceda unha catastrofe 

Comité Cidadán de Emerxencia  


ferrolsuso.blogspot

A Copa do Mundo na Pedreira

A afección verde, así como todas aquelas persoas que celebraron o triunfo da selección española no Mundial de Fútbol celebrado en Sudáfrica, terán a oportunidade de ver de cerca a Copa do Mundo. O trofeo, co que soñan os futbolistas e afeccionados ó fútbol dos cinco continentes, expoñerase nas instalacións do Galicia de Mugardos o sábado 24 de Marzo (a data aínda non está confirmada ó 100%, informarase en caso de que houbese cambio de data). A Copa do Mundo permanecerá no Campo da Pedreira durante todo o día e todas as persoas que o desexen poderán vela de cerca, tocala e fotografiarse con ela. 


SDC Galicia de Mugardos
GaliciaMugardos1992

Perigo!! gaseiro 113 cargado con GNL para Reganosa

LNG Lagos entrando na ría de Ferrol

Mañá, martes 6 de Marzo está prevista a entrada dun novo gaseiro na Ría de Ferrol, trátase do buque "LNG Lagos" un vello gaseiro (con 34 anos de antiguedade) que fará o nº 113, cargado con GNL para a perigosa e ilegal planta de gas de Reganosa.

É por iso, polo que o Comité Cidadán de Emerxencia decide convocar a 

CONCENTRACIÓN  de protesta, mañá martes, 6 de Marzo de 2012, ás 19 hs na Praza de Armas, en Ferrol.

Antes de que suceda unha catástrofe

Comité Cidadán de Emerxencia

Novo escrito enviado á Ministra de Fomento

O Comité Cidadán de Emerxencia, a traves do seu coordinador, ten denunciado diante da Ministra de Fomento a entrada ilegal na Ría de gaseiros cargados con GNL para suministrar a Reganosa, e solicitada a documentación referente aos cambios da normativa de navegabilidade realizados pola Autoridade Portuaria.

A Ministra respostou ao CCE , a traves do Director Xeral da Mariña Mercante, pero sen cumprimentar a solicitude de documentación que a propia Autoridade Portuaria nega ao CCE dende Novembro de 2011.

É por iso que de novo a traves de escrito se emplaza a Ministra de Fomento Ana Pastor Julian, para que entregue a documentación requerida.

Ver o escrito íntegro

Perigo!! gaseiro 112 cargado con GNL para Reganosa

Gaseiro "Iberica Knutsen" na ría de Ferrol 

Ante o anuncio de entrada no interior da ría de Ferrol, do 112 gaseiro, cargado con GNL, con destino a Reganosa, o "Comité Cidadán de Emerxencia para a Ría de Ferrol" CONVOCA súa 112 concentración lexítima, en rexeitamento da actual ubicación da planta, e o transito de gaseiros na nosa ría.

CONCENTRACIÓN, lúns, 20 de Febreiro 2012, ás 19hs, diante do edificio 

Administrativo da Xunta de Galicia na  Praza Amada García en Ferrol.

Antes de que suceda unha catástrofe

Comité Cidadán de Emerxencia

XV Concurso de carteis da Festa do Polbo

                                                            Cartaz XXI Festa do Polbo

Iniciouse o XIII concurso de carteis da Festa do Polbo do Concello de Mugardos no que podedes participar presentando as vosas propostas. O premio consistirá en 500 euros.

A continuación recollemos as bases do concurso:

Poderán participar todas aquelas persoas, maiores de 16 anos, que o desexen.
Cada participante poderá presentar un único orixinal, de tamaño DIN A3, sen límite de cores ou técnicas. No caso de que o cartel premiado resulte estar feito por ordenador, tendo que ser un deseño orixinal, terá que ser entregado o soporte informático correspondente. O tema do cartel será a XXII FESTA DO POLBO. Os carteis deberán presentar o debuxo e o seguinte texto: XXII FESTA DO POLBO CONCELLO DE MUGARDOS.
Prazo de presentación: todo o mes de abril de 2012. Os carteis poderán presentarse no departamento de cultura en horario:
- maña: de luns a venres de 9.00 a 14.00 horas
- tarde: xoves de 17.00 a 19.30 horas

Os traballos irán asinados con pseudónimo, acompañándose dun sobre pechado que estará pegado por detrás do cartel, cos datos completos do autor/a: nome, idade, enderezo e teléfono.
O xurado estará formado polas/os membros da Comisión de Cultura do Concello de Mugardos. Este decidirá tendo en conta estas bases, por maioría de votos e de forma inapelable. Ditaminará na seguinte semana logo do peche de recepción de orixinais.
O premio consistirá en 450 euros que se entregarán en metálico (á citada cantidade aplicaráselle a retención correspondente ao IRPF). O premio poderase declarar deserto, en caso de que o xurado así o estimase, en decisión inapelable. O local e a data nos que se fará entrega deste fixarase no momento oportuno.
Poderá facerse unha exposición dos traballos presentados. Os non seleccionados deberán retirarse polos participantes.
O cartel premiado quedará no poder do Concello de Mugardos e pasará a formar parte do patrimonio cultural deste, así como os cinco seleccionados, podendo reproducilos e difundilos con enteira liberdade.
A participación implica a total aceptación destas bases.

Concello de Mugardos

O verás cos nosos ollos

Cúmprese o IV Aniversario do falecemento do noso compañeiro Carmelo Teixeiro, primeiro Coordinador do "Comité Cidadán de Emerxencia para a Ría de Ferrol", Antes de falecer deixou dito: "Verei como pechan Reganosa, non o verei cos meus ollos, pero o verei cos vosos".


E na loita seguimos Carmelo, con altibaixos, pero sen desfalecer nin un só día. Cada gaseiro que entra na nosa preciosa ría con destino á ilegal e perigosa planta de gas de Reganosa, ten a súa correspondente réplica cidadá.

O domingo, día 5, ás 12 do mediodía, o Comité Cidadán de Emerxencia para a Ría de Ferrol, convida a toda a cidadanía a participar nunha ofrenda floral na súa memoria, que terá lugar no Parque Carmelo Teixeiro, Caranza - Ferrol

Parque onde unha placa ao pé de tres castiñeiros lembra sua memoria, ollando ao fondo pódese verse a ría na que foron esparexidas as súas cinzas, a poucos metros da ILEGAL REGANOSA, dende onde é observada cada día por Carmelo.

Carmelo: Un compromiso cos demáis.


Comité Cidadán de Emerxencia

ferrolsuso.blogspot