A lancha de Mugardos volverá funcionar desde o 1 de xullo e ata o 15 de setembro a pesar da escaseza de viaxeiros que, nos últimos anos, está marcando as campañas estivais deste servizo, que deixou de operar diariamente o 30 de setembro do 2002 polo seu escaso rendemento económico.
Será, de novo, a embarcación Rías Altas Un, propiedade de Francisco Fernández Cabana, a que se ocupe de facer os traxectos entre a urbe naval e a vila mugardesa. Sairá nove veces ao día desde cada punto -nos horarios que se indican na táboa que acompaña a información-, realizando así un total de 18 viaxes por xornada.
Cunha capacidade para 150 pasaxeiros, ofertará deste xeito cada día un total de 2.700 prazas. Os prezos serán de tres euros. Facer a ida e a volta, polo tanto, custará seis euros.
Artigo orixinal
As lanchas en Ferrolterra
Sem comentários:
Enviar um comentário