4/13/2012
Turismo de astillero
“¿Ferrolanos, qué sabemos hacer?”, preguntaba un Leónidas con acento gallego a un grupo de espartanos del naval en un vídeo-parodia de la batalla de las Termópilas adaptada a la problemática de los astilleros que es muy popular en la red. “Barcos, barcos, barcos”, contestaban al unísono. Con mucha sorna, Os 300 ferrolanos de YouTube resume la idiosincrasia de una ciudad que desde su fundación ha estado diseñada y volcada en el mar: de puerto refugio en el siglo XVII a fábrica de megabuques en el XXI. Uno tras otro, de las gradas de los astilleros de esta ría han ido saliendo todo tipo de ingenios flotantes: fragatas, portaaviones, superpetroleros o plataformas marinas.
El Ayuntamiento de Ferrol ha apostado por rentabilizar ese conocimiento como plus turístico para mostrar a curiosos y visitantes los entresijos de la ingeniería naval y el patrimonio militar que esconde la ría.
elpais.com
8/28/2011
A lancha de Mugardos agoniza
A lancha de Mugardos afúndese, en sentido metafórico. A embarcación, que outrora era un transporte concorrido non só por turistas senón por traballadores, é hoxe en día unha alma en pena pola ría ferrolá.
Vinte persoas os días malos, cincuenta algunhas xornadas boas, cen en casos excepcionais. É a ocupación que está a rexistrar este verán o barco que viaxa de Ferrol a Mugardos e viceversa, nove veces en cada sentido ao longo do día. Nada que ver con outras tempadas, fai catro ou cinco anos, cando ata 300 pasaxeiros eran transportados cada xornada.
Non é o primeiro estío malo para a embarcación. Xa en setembro de 2002 recortáronse as viaxes, que antes se facían durante todo o ano. Desde aquela, a lancha só asuca a ría en tempada alta -verán e Semana Santa-. Aínda así, a afluencia era boa nos meses calorosos, ata que nos últimos exercicios os pasaxeiros baixaron de forma alarmante.
«A situación é mala, moi mala», afirma Francisco Fernández Cabana, o empresario encargado do transporte. O seu barco, o Rías Altas Un, é o que fai o percorrido entre Ferrol e Mugardos cada día. Desde o 1 de xullo, data na que se inaugurou este servizo, a media de pasaxeiros na lancha foi moi baixa. «E isto vai empeorando», asegura Fernández Cabana.
¿As causas? Este transporte converteuse en algo turístico actualmente, non nun servizo de traslado colectivo, similar a un autobús, como foi durante moito tempo. Segundo Cabana, a construción de novas estradas e o uso do coche foron minguando esta utilidade.
O empresario móstrase reticente a continuar con este servizo o ano que vén. «Encarécese o gasoil, hai que pagar ambos os portos...», explica. «O próximo verán non o farei, seguramente», asevera. «Ou pensarei outra cousa, quizá trasladarme a outro sitio», engade Cabana.
A lancha de Mugardos ofrece nove traxectos de ida e outros tantos de volta ao día entre os portos ferrolán e mugardés, a un prezo de 3 euros por percorrido. Cabana cre que promocionándoa e con algunha subvención, a ruta iría moito mellor. «A ver se as administracións arriman o ombreiro», desexa. «E que a xente veña a gozar do percorrido», anima.
avozdegalicia.es
3/10/2011
O Dez de Marzo do Setenta e Dous

O Ferrol do setenta e dous acollía unhas importantes asembleas clandestinas, os vocais xurados que representaban os intereses dos traballadores do naval foron suspendidos de emprego e soldo. Decatáronse nas primeiras horas da mañá do día nove de marzo de mil novecentos setenta e dous. A noticia correu como a pólvora pola contorna do estaleiro, e en solidariedade cos seus compañeiros concentráronse nas bancadas centos de traballadores. De alí foron á chaira onde se atopaban as oficinas da dirección da empresa e escoitaron as palabras do director, que non logrou convencelos. Nese lugar permaneceron sen retornar ao seu posto de traballo ata ben entrada a tarde. O requirimento das autoridades para que abandonasen a empresa non foi suficiente para disolvelos. Eran, as tres e media da tarde, e as forzas de seguridade do Estado tomaron a empresa. Había varias grileiras dentro do estaleiro e sobre as cinco e cuarto da tarde, baixáronse numerosos policías cargados coas súas porras e demais utensilios de forza, e non dubidaron en cargar contra os indefensos traballadores.
Á saída do estaleiro esperáballes outro bo número de efectivos policiais que os acurralaron, repartiron paus de xeito abondo a torto e a dereito. Varias pelotas de goma romperon cristais dalgunhas casas particulares do barrio de Esteiro. Os botes de fume e os porrazos estaban na orde do día, moitos obreiros xacían no chan doridos polas malleiras. Os traballadores corrían por todas as esquinas posibles para escapar do asedio dos temibles corpos de seguridade represores daqueles tempos de ditadura vinda a menos. Estaban acurralados. Foron numerosos os feridos, por medo a curar as súas feridas nos hospitais e evitar represalias das autoridades, acudían ás agachadas as súas casas particulares, cuxos propietarios atendíanos de xeito clandestino.
O meu avó estaba cansado de tanto correr; escondeuse entre as árbores do cantón, o barullo e o alboroto, creaba neses momentos a imaxe do caos en Ferrol. Tiña medo, eran numerosos os policías que corrían detrás dos traballadores ensaiándose con eles a golpes coas súas porras. Recibira un pelotazo de goma nunha perna, non podía camiñar sen ter que soportar unha enorme dor. Quería refuxiarse en casa da miña nai, que por aqueles tempos vivía na Travesía de San Luís, xusto enfronte do Campo de Batallóns. Como puido, foi evitando aos policías, que ao velo tendido o aporreaban ao seu paso sen miramento algún. Logrou a duras penas chegar a casa da miña nai, malferido, atemorizado polo que acababa de vivir.
Era o dez de marzo de mil novecentos setenta e dous no antigamente chamado Ferrol do Caudillo. Ao día seguinte, os traballadores dos estaleiros, demostrarían un espírito de unión obreira exemplar para que en moitas localidades de Galicia e España alzásense a reivindicar os seus intereses. Decidiron agruparse enfronte as portas do estaleiro a primeiras horas da mañá. Para reivindicar a represión sufrida o día anterior. Decidiron facer paro xeral ese desgraciado día dez de marzo. Como o goberno non estaba disposto a tolerar ese tipo de situacións no país, enviaron a Ferrol maior presenza policial.
Os obreiros só desexaban manifestar un trato digno, o dereito a ser escoitados en negociacións futuras, a non ser reprimidos pola forza bruta que demostraba a policía por aqueles tempos. Estábaselles privando dos seus dereitos. Pero cando comezaron o seu percorrido polas rúas, as forzas de seguridade do estado ditatorial xa os estaban esperando. Eran unhas catro mil persoas, unidas para reivindicar os seus dereitos, pero non os escoitaron. A policía recibiu a orde de cargar contra a multitude, cando esta iniciaba o seu percorrido polas Pías en dirección a Caranza. Os obreiros no canto de acovardarse e fuxir como o día anterior, enfrontáronse con valentía ás forzas de seguridade, cargados con paus e pedras, decididos dunha vez por todas a loitar unidos. Pero a policía disparou de xeito indiscriminado, cos seus zetas metralladoras e as súas pistolas, logrando alcanzar a numerosos feridos. Aos desgraciados dez minutos xa había un morto. E outro máis pouco despois. Os seus propios compañeiros trasladáronos ao hospital, mentres outros, xa toleados pola noticia que correu como un raio da morte dun compañeiro, lograron acovardar aos sorprendidos policías que nada puideron facer para reducilos que escapar do lugar.
Creáronse piquetes informativos para que os veciños de Ferrol e a súa comarca soubesen o que acababa de acontecer. Ese día houbo centos de aporreados, máis dunha ducia de feridos de bala, entre eles dous mortos. A todo xuízo racional quédalle manifesta a desproporcionada actuación das forzas de seguridade do réxime de Franco. Ese día Ferrol era unha cidade asustada. As persoas encerrábanse nas súas casas, medorentas de futuras detencións que finalmente se produciron.
O meu avó materno, maltreito das feridas do día anterior, non puido acudir á manifestación dese desgraciado dez de marzo. quedo en casa, pendente da radio e o televisor. Salvando se cadra a súa vida. Se non chega a estar maltreito, a recado que estaría aí ao pé do canón. Iso si, acudiu ao enterro dos compañeiros falecidos, onde segundo contaba había centos de policías custodiando o mesmo. Coma se iso fose unha nova manifestación que o réxime franquista entendía como perigosa. Eran os últimos avatares da ditadura. Pero foron momentos duros, cheos de dor, dunha unión obreira exemplar para calquera lugar do mundo. Os falecidos convertéronse nunha especie de mártires da súa Loita. Hoxe en día, no barrio de Recimil (Ferrol), pódese observar o Monumento ao Obreiro. Cada dez de marzo, celébrase un acto de ofrenda en recordo daqueles feitos, dos falecidos Daniel Néboa e Amador Rei. Cada ano realízase unha sincera homenaxe a ese espírito de unión obreira exemplar no ano setenta e dous.
O pai da miña nai contaxioume ese espírito de loita que debemos de ter todos para reivindicar os nosos dereitos dun xeito civilizado, que nunca deberemos de acovardarnos a esixir os nosos dereitos e liberdades. O meu avó Xurxo relatoume no seu día estes feitos, sendo para min unha declaración moi importante sobre o sucedido ese día de marzo, xusto un ano antes de que eu nacese. Crecín coa loita obreira na sociedade, sentín esa loita obreira que operaba na rúa, crecín con ese espertar cara a unha democracia, e con reconversións navais.
Briga de Gallecia
8/03/2010
Os concellos da Ría de Ferrol únense en SPINNAKER 2010
Ferrol, Narón, Neda, Fene e Mugardos desprazarán as súas oficinas de turismo ao evento co fin de atraer aos miles de visitantes que ao longo dos catro días de duración da Semana Náutica pásanse polo recinto.
Se nas cinco primeiras edicións da Semana Náutica Ferrol foi o que levou todo o protagonismo, nesta ocasión, os demais alcaldes dos concellos da ría ferrolá quixeron estar presentes, nunha clara mostra do intento de facer rexurdir as boas relacións entre os concellos que forman parte da Mancomunidade.
Así, o concello de Narón, en colaboración coa Cooperativa do Val, levará a cabo degustacións do pemento do Couto, que se realizan o sábado 7 e o domingo 8, a partir das 13.00 horas.
Mugardos tamén destaca polo seu polbo e por iso desde a oficina de turismo que montarán no porto departamental sortearán unhas degustacións dese produto na Posada do Mar.
5/12/2010
Cursos de prevención para desempregados
Trescentos desempregados das comarcas de Ferrol, Eume e Ortegal poderán asistir na cidade naval ao curso básico de prevención de riscos laborais, unha formación indispensable para traballar no sector naval e en numerosas actividades industriais. De forma extraordinaria, o Instituto Galego de Seguridade e Saúde Laboral (Issga), que adoita desenvolver estas actividades na súa sede da Coruña, impartirá os programas nas aulas do Forga e o Formega, cumprindo con iso un dos compromisos do Plan Ferrol.
A directora do Issga, Adela Quinzá-Torroja, presentou onte a iniciativa co director do Plan Ferrol, Alejandro Langtry, e o presidente da Asociación Impulsora, Xulio Abelleira. Sucederanse varios cursos a medida que se vaian cubrindo prazas e está previsto que o primeiro comece o día 24 e que se prolongue durante 50 horas, das cales 20 serán presenciais e o resto desenvolveraas o alumno pola súa conta, coa axuda de materiais didácticos e o apoio constante do titor.
O horario deste primeiro curso será de tarde, de catro a nove, e os interesados en participar poden realizar a súa inscrición chamando ao número 981 337 122, ou ben dirixíndose á Unidade de Promoción e Desenvolvemento da Asociación Impulsora do Plan Ferrol, que ten a súa sede no CIS, ou a calquera das entidades sindicais e empresariais que conforman a citada entidade.
3/27/2010
Miles de persoas piden o levantamento do veto a antiga Astano
O BNG apoiou masivamente a protesta, coa participación na cabeza da manifestación do seu portavoz nacional, Guillerme Vázquez, e do deputado nacionalista Francisco Jorquera, xunto co responsábel do sindicato CIG, Suso Seixo. Tamén apoiaron a iniciativa todos os concellos da comarca, incluído o de Fene, gobernado polo PSOE, que encabezou unha das pancartas centrais.
A protesta contou tamén co apoio de Iniciativa Empresarial do Noroeste, Asociación de Empresarios de Ferrolterra, a Asociación de Empresarios de Hostalería, Tribuna para o Diálogo e Galiza Nova.
A mobilización saíu do peirao de Curuxeiras ás 1200h e durante media hora percorreu as rúas do centro de Ferrol, para finalizar na praza de Armas, na que os participantes responderon cunha pitada á ausencia do Concello de Ferrol, no que PSOE e EU sumaron votos para rexeitar a súa participación.
O lema "que o veto de Astano se levante este ano" exemplificou o motivo central da protesta, exposta para esixir ao presidente do Goberno, José Luís Rodríguez Zapatero, que cumpra o seu compromiso de negociar con Europa o levantamento desta prohibición "inxusta e política", durante os seis meses nos que España preside a Unión Europea.
Prohibición
O estaleiro de Navantia Fene non pode realizar construción naval civil até o ano 2015. A prohibición iniciouse no 1984 e renovouse na firma dos acordos que España subscribiu coa UE no 2005, que evitaron que se tivesen que devolver as subvencións que baixo o Goberno do PP se concederon á empresa naval pública e que Europa considerou ilegais.
O escritor Manuel Rivas, responsábel de ler o manifesto final, insistiu no "sen sentido" de que o "país que mellor sabe facer barcos do mundo non poida construír barcos" e de que se manteña á antiga Astano nun estado "fantasmagórico" condenado a unha "eutanasia forzada".
A asociación 'Rumbo 21' xurdiu como entidade cidadá o ano pasado, co obxectivo de poñer en marcha unha Iniciativa Lexislativa Popular para pedir no Parlamento que se inste a España a renegociar con Europa. A ILP recolleu máis de 18.000 firmas e expúxose na Mesa do Parlamento, pero o seu debate definitivo atópase estancado desde fai meses.
A nosa Terra
O servizo de lancha ata Mugardos retomarase mañá
A firma Fernández Cabana fará 18 traxectos cada xornada ata o 4 de abril co «Rías Altas Un»
A tradicional lancha de Mugardos volverá asucar a ría en coincidencia coa Semana Santa, como xa vén sendo habitual nos últimos exercicios. De feito, este medio de transporte hai anos que deixou de funcionar de forma regular e agora só faio esporadicamente en datas como estas ou os meses de verán.
O máximo responsable da empresa Fernández Cabana destacou onte que se farán dezaoito traxectos ao día desde mañá e ata o 4 de abril no horario que se plasma na táboa que acompaña esta información. A metade deles sairán da urbe á vila e os restantes en sentido inverso. O prezo estableceuse en tres euros.
A compañía ten previsto utilizar o Rías Altas Un, unha embarcación con capacidade para 150 pasaxeiros. Ofertaranse, deste xeito, 2.700 prazas en cada xornada. A experiencia demostra, no entanto, que a demanda adoita ser moito máis baixa e que, en numerosas ocasións, a lancha vai baleira, aínda que ten que asucar a ría igualmente por se hai pasaxeiros no outro punto ao que se dirixe.
Fernández Cabana sinala respecto diso que as expectativas para esta semana Santa "dependen moito do tempo, se vén bo podemos ter algo de xente, pola contra non".
Durante o xoves, venres e sábado da próxima semana activarase tamén o Teide, con 89 prazas, para cruceiros dunha hora polas augas locais. Neste caso, o prezo do billete é de sete euros por persoa. Sairán de Curuxeiras ás 12.00; 13.00; 16.00; 17.00; 18.00 e 19.00 horas. Esta iniciativa adoita ter máis éxito entre o público que a mencionada lancha de Mugardos, xa que ofrece a posibilidade de contemplar máis paraxes. Pero na cifra de usuarios volverá influír de forma decisiva, como apuntou Fernández Cabana, o tempo.
A Voz de Reganosa
3/11/2010
Toxo: “Comezaron a disparar de forma indiscriminada”
Na mañá daquel día 10 os catro mil traballadores do estaleiro encontráronse ás portas do recinto, sen poder entrar, e emprenderon a marcha hacia Esteiro, coa intención de chegar pola ponte das Pías ata Astano. Tal como onte lembraba Ignacio Fernández Toxo ó pé do monumento erixido en memoria das vítimas, “parounos a policía armada e practicamente sen aviso previo atopámonos con que comezaron a disparar de forma indiscriminada”. Faleceron dous traballadores, Amador Rey e Daniel Niebla, “pero puido caer moita xente, de feito houbo corenta e tantos feridos de bala”. Toxo lembrou a Xulio Aneiros, que recibiu un disparo no peito que o tivo longo tempo entre a vida e a morte, e rememorou a imaxe de Rafael Pillado, naquela mañá e a poucos metros do lugar da ofrenda floral, subido a un camión e chamando á folga xeral na comarca.
Na Bazán houbo 160 despidos como consecuencia da folga e outros cen noutras empresas da comarca. Os cabecillas foron encarcelados e protagonizaron o famoso “xuízo dos 23”.
Un daqueles sindicalistas foi precisamente Manuel Amor Deus, que estivo na cadea entre 1972 e 1976. Cando saíu -foi xunto con Riobó e Pillado un dos últimos liberados- convertiuse no primeiro secretario xeral de CCOO en Galicia, cargo que ostentou ata 1988. Despois seguiu vinculado á vida sindical e volcado na loita para o recoñecemento da asbestosis, que el mesmo sufría, como enfermedade laboral. En abril de 2007 unha sentenza do xulgado do Social de Ferrol recoñeceu ó amianto como causa da súa doenza. Dous meses despois faleceu.
Na inauguración da súa praza, Fernández Toxo lembrou tamén a Riobó, Torrente, Iglesias e outras vítimas de amianto. “A sociedade española, ademais de prazas, débelles unha reparación”, considerou o secretario xeral de CCOO. O fillo de Amor Deus ofreceu, tamén, o seu saúdo “ós que caeron nesa trampa mortal que se chama asbestose”.
Diario de Ferrol
3/05/2010
A protesta contra o veto a Astano será o próximo día 27
A galería Sargadelos acolleu na tarde do martes a primeira reunión, aberta a todo o tecido asociativo, para organizar a mobilización. Desde Rumbo 21 botouse de menos a presenza de representantes de CCOO e UXT e insistiuse en que esta é unha convocatoria aberta, na que non se define se o futuro de Astano ten que ser como empresa pública ou privada. Esa cuestión preocupa á CIG, cuxo secretario comarcal, Xesús Anxo López Pintos, asistiu á reunión e fixo constar o seu defensa dun estaleiro dentro da órbita da SEPI.
Á reunión acudiron tamén representantes do BNG, de Independentes por Ferrol e do PP. Deste último partido, acudiu á cita Alejandro Langtry, actual director do Plan Ferrol.
A manifestación celebrarase o día 27 baixo o lema “En defensa do emprego, por un sector naval de futuro, levantamento do veto xa” e o vindeiro luns celebrarase unha nova reunión, esta vez na Cámara de Comercio, para nomear un comité encargado de organizar a mobilización.
Ramón Yáñez subliñou onte que Rumbo 21 “non quere competir con outras entidades” e que o seu único fin é reclamar o levantamento do veto que pesa sobre Astano, no convencemento de que diso poden depender miles de postos de traballo nesta comarca. "A nosa é unha chamada para sumar", sinalou o profesor da Politécnica Superior e un dos membros da entidade Rumbo 21.
2/28/2010
O pemento do Couto obtén a IXP
En xuño de 2009 publicabase no DOUE a solicitude para rexistrar a denominación do pemento do Couto. Ao non terse notificado á comisión pertinente declaracións de oposición de conformidade ao respecto, a Unión Europea procedeu a rexistrar a denominación citada, tal e como consta no Diario Oficial da Unión Europea. Desde o pasado mércores está rexistrada a denominación, que entrará en vigor nun prazo de vinte días -contados a partires do pasado 24-. A Indicación Xeográfica Protexida do pemento do Couto aparece recollido no apartado de produtos agrícolas destinados ao consumo humano, na categoría de froitas, hortalizas e cereais frescos ou transformados.
A cooperativa do Val confiou sempre na obtención deste distintivo de calidade, baixo o que nos próximos meses se poderá comezar a comercializar o pemento do Couto, unha especie coa que traballan uns corenta socios das instalacións naronesas. Desde o pasado mes de decembro están xa medrando baixo os invernadoiros as prantas que producirán as que serán as primeiras unidades da hortaliza que se porán á venta coa Indicación Xeográfica Protexida, tal e como demandaba a cooperativa do Val.
Características
Os pementos a comercializar baixo a IXP son da especie Capsicum Anuun L, cuxo froito se recolecta en estado inmaduro precoz, para a súa venta en fresco. Un peso de entre catro e seis gramos por unidade, unha lonxitude de catro a oito centímetros, un ancho de dous, un pedúnculo de entre dous e tres e un espesor da carne de milímetro a milímetro e medio forman parte das características dos pementos amparados pola IXP. Ademais, o sabor da hortaliza debe ser dulce e non poden picar.
Etiquetas comerciais correspondentes á marca do produto e á codificación alfanumérica autorizada polo órgano de control, co logotipo da IXP, servirán para identificar os pementos do Couto unha vez cheguen ao mercado co distintivo de IXP e baixo a denominación de “Pemento do Couto”. Tan só as hortalizas que se cultiven cumprindo todas e cada unha das esixencias da UE poderán ser amparados pola IXP.
A variedade de pemento do Couto que se comercializará baixo a IXP solicitada pola cooperativa do Val cultívase, ademais de en Narón, nos municipios de Ares, Mugardos, Ferrol, Moeche, As Somozas, Valdoviño e Cedeira. Os produtores deberán aterse ás directrices marcadas polo plego de condicións da UE e tanto as plantacións como os almacéns e industrias serán obxecto de rigurosos controis, a fin de que a hortaliza esté “enteira, sana, limpa e exenta de danos” unha vez que chegue ao consumidor.
A UE marca a obrigatoriedade de comercializar os pementos en lotes de 200 ou 400 gramos entre o 15 de abril e o 31 de outubro.
Os recoñecementos de calidade foron tamén a parar, en Galicia, aos pementos de Arnoia e Oímbra, recoñecendo a Unión Europea a calidade de ambos produtos.
Os rigorosos coidados aos que, desde o momento da selección da semente, se sometía ao pemento do Couto continuarán marcando a calidade dun produto que cada vez conta con máis recoñecementos. Aos que xa tiña súmase agora o da Unión Europea que, sen dúbida, respalda o traballo feito desde hai moitos anos desde a cooperativa do Val.
A calidade dos pementos do Couto é desde hai moitos anos ben coñecida tanto dentro como fóra da comarca. Pero será a IXP a que remarcará aínda máis as características dun produto que logrou pasar os estrictos trámites que require a obtención de tal distintivo de calidade.
10/22/2009
Un de bares no Torrente

Ábrese o pano e aparecen unha camareira de Ferrol, un vixiante de seguridade e un electricista en paro de Mugardos, un actor-sindicalista de Narón e un ourensán xuntos. Non é ningún chiste fácil. Son os cinco finalistas do primeiro concurso de monólogos Monolobar da Asociación de Hostaleiros de Ferrol e Comarca.
9/12/2009
A baleira viaxe da lancha de Mugardos
7/04/2009
47 Feira de Mostras do Noroeste

A plataforma cívica Rumbo 21 presentou este mediodía no salón de plenos do Concello de Mugardos a iniciativa lexislativa popular que persegue a fin do veto que pesa sobre a antiga Astano.
Para a xornada de mañá, Rumbo 21 continuará a súa actividade no concello de Ares, onde os seus representantes recollerán sinaturas entre as once da mañá e as dúas da tarde no paseo marítimo da localidade. Dende a plataforma informouse de que en Ares xa asinaron máis de 350 persoas, polo que espera superar o milleiro de sinaturas. A Corporación Municipal, lembran dende a entidade, tamén aprobou por unanimidade a súa adhesión á iniciativa e o seu apoio a tódalas medidas para difundila.
6/23/2009
Volta Ángel del Real, volta o Prestige

Lembran o nome de Ángel del Real? Si, o capitán marítimo da Coruña que foi un dos tres altos cargos imputados polo caso Prestige, xunto co director xeral da Mariña Mercante, José Luis López-Sors e o delegado do Goberno en Galicia, o inefable Arsenio Fernández de Mesa. Pois acaba de ser nomeado presidente da Autoridade Portuaria Ferrol-San Cibrao, en substitución de Amable Dopico, supoñemos que para agradecerlle os servizos prestados.
Galician Rights Watch
6/14/2009
O Eume enfrontaráse ao Meirás na final da Copa da Ría
Campo de Prados Vellos, do Numancia de AresA lancha de Mugardos ofertará 2.700 prazas ao día desde o 1 de xullo

Será, de novo, a embarcación Rías Altas Un, propiedade de Francisco Fernández Cabana, a que se ocupe de facer os traxectos entre a urbe naval e a vila mugardesa. Sairá nove veces ao día desde cada punto -nos horarios que se indican na táboa que acompaña a información-, realizando así un total de 18 viaxes por xornada.
Cunha capacidade para 150 pasaxeiros, ofertará deste xeito cada día un total de 2.700 prazas. Os prezos serán de tres euros. Facer a ida e a volta, polo tanto, custará seis euros.
Artigo orixinal
As lanchas en Ferrolterra
5/25/2009
Rachando os "muros de silencio"
Ocultada, para a maioría da opinión pública, por un silencio cómplice dos medios de comunicación, celebrou-se unha Xornada Aberta de Formación Cidadá, organizada polo Comité Cidadán de Emerxencia para a Ría de Ferrol, baixo o título: “O que cumpre saber sobre REGANOSA”.
Aínda que voltamos topar cos habituais “muros de silencio” que envolve a loita contra o despropósito gasístico de REGANOSA, o Encontro Cidadán foi todo un suceso. Agora cumpre, a nós, a laboura de divulgación do aprendido, reflexionado e debatido. O acto foi gravado, en vídeo, na súa totalidade, como tamén hai presentacións e documentos elaborados polos relatores e relatoras, polo que non debemos perder moito tempo e poñer nas mans de "profesionais" da comunicación o material para que se elaboren documentarios, webs, blogs, libros, revistas, boletíns, ... para a súa difusión.
O Encontro Cidadán tivo lugar en Ferrol no Campus de Esteiro, en sesións de mañá e tarde. Foi un acto de formación e convivencia, aberto á asistencia e participación da cidadanía en xeral, co fin de coñecer e actualizar aspectos fundamentais sobre o que supón a presencia dunha Planta de Gas no corazón da nosa Ría. [Ler máis]
Colectivo Ártabra 21
ferrolsuso.blogspot.com
5/10/2009
O Eume ascende á Primeira Autonómica
Xogadores e afeizoados do Eume festexaron o ascenso esta tarde no campo da GándaraO Eume Depórtivo logrou o ascenso á Primeira Autonómica tras vencer ao Animas por 5 a 2 no campo da Gándara de Pontedeume. Rematou así unha das Ligas máis disputadas no grupo da Segunda Autonómica de Ferrolterra dos últimos anos.
A xunta directiva do Eume xa adiantou a súa vontade de continuar para a vindeira tempada co mugardés Juan Fernández no posto de adestrador. Incorporarán asimesmo a 4 xogadores do fútbol xuvenil.
Un dos principais obxectivos do Eume pasará por conseguir un campo de fútbol en mellores condicións que o actual da Gándara.
Eume campión de ligaAlirón do Eume Depórtivo
3/30/2009
Apoio á iniciativa popular para a reactivación de Astano
O alcalde de Mugardos, o nacionalista Xosé Fernández Barcia, informou de que todos os partidos con representación no Concello, salvo EU, que non se quixo manifestar, decidiron apoiar a iniciativa popular que se está desenvolvendo para conseguir a volta da antiga Astano á construción naval convencional.
Recentemente a Xunta de Portavoces, presidida por Barcia e cos representantes de BNG, PSOE, PP e EU, mantiveron unha reunión con Jesús Varela e Juan Maneiro, portavoces do mencionado colectivo. Nese encontro expuxeron «os datos concretos e elocuentes dos que dispoñen, tanto da Unión Europea como os da carteira de pedidos a nivel mundial así como os datos da actual crise económica e financieira e a súa repercusión na creación de emprego en xeral e, en particular, na nosa comarca».
El Pórtico de Astano


.jpg)






