Gas Natural-Sonatrach, ou o triunfo de Goliat

Novo gasoduto Medgaz

É seica Gas Natural unha empresa pública? Non temos nada que negociar co Goberno español, Gas Natural debe cumprir a sentenza e pagar". Estes duros comentarios atribúense a un alto directivo de Sonatrach, o coloso estatal alxerino que, para asombro dos expertos en arbitraxe internacional, logrou que a Corte de París aceptase todas as súas peticións (habitualmente óptase por un xusto medio) na controversia que duraba xa dous anos sobre a revisión dos contratos de aprovisionamento que mantén con Sonatrach. [Ler máis]

Gas Natural debe pagar 1.450 millóns a Sonatrach

Dimensión do problema do gas

Boiro 3-1 Galicia de Mugardos

(1-1)Grueiro (p) min 4 - 2ªparte

Nada fácil resultou ao Boiro desfacerse do apuro no que o meteu un Galicia Mugardos solidario atrás, combativo e bo manejador da pelota na sala de máquinas, e agresivo arriba, aínda que sen a calidade suficiente para superar a solidez defensiva de que dá mostras o combinado boirista neste arranque de tempada.
Co novo Eloy baixo paus, respondendo con solvencia ás esixencias de Maikel (min 3) e José (min 8) e aos centros ao área, e con Changui no eixo do ataque, os boiristas tiveron problemas para tecer o xogo de entrelíneas, zona na que cometeron demasiadas imprecisións. Un penalti (min 8) sobre Adrián, un remate á base do poste de Changui (min 24) e unha falta de Anxo que o porteiro sacou a córner con enormes dificultades (min 28) anunciaron o 1-0 (min 27). A mesma tónica seguiu na segunda parte. Tras o 1-1, Changui contestou con rapidez e sentenciou o choque.

Boiro:
Eloy; Jonathan (Álex, min 68), Dani Conde, Borja, Roberto, Cardeñosa (Rivas, min 65), Anxo (Pablito, min 55), Walter (Pajarillo, 89), Jon (David, min 78), Changui e Adrián Armental.
Galicia Mugardos: Agustín (Óscar, min 46); Rubén, Jorge, Manuel, Sanmartín, Grueiro, José (Puchi, min 58), Óscar Pérez, Maikel e Rubén Seco (Dani Eume, min 71).
Árbitro: Correia (Vigo). Quisquilloso. Expulsou a Samartín (min 90). Goles: 1-0, min 27: Changui bate ao meta Agustín tras recibir un pase de Walter caído no céspede; 1-1, min 48: Grueiro, ao converter un penalti cometido por Cardeñosa sobre Maikel; 2-1, min 53: Changui, tras un servizo de Cardeñosa; 3-1, min 57: Changui, de cabeza.

Incidencias: Partido da oitava xornada de Preferente. Celebrouse en Barraña, que, nunha tarde estupenda, rexistrou unha das melloras entradas en anos: ao redor de 500 espectadores.

elcorreogallego.es

REGANOSA

Reganosa é "ilegal, perigosa, innecesaria e deficitaria"

Opinión de Amadeo Varela. Luns, 11 de Outubro de 2010

Hai algúns días, os medios de comunicación trouxeron dúas noticias que, estando relacionadas entre si, poderíanse considerar contraditorias. Unha é a de que varios accionistas de Reganosa, entre eles tres entidades bancarias, vendían as accións que posuían; a outra, a de que a Xunta vai mercar parte das accións que as outras venden.

Este asunto de compravenda de accións non tería maior comentario, por seren operacións relativamente frecuentes no mundo das finanzas. Mais neste caso concreto conflúen circunstancias un pouco raras, e xa que logo, convén profundizar un pouco no tema por mor de tentar atopar respostas a varias preguntas que poderían xurdir, como por exemplo: ¿É verdade que a mentada planta produce importantes beneficios? E pola outra, ¿terán razón os que afirman que a planta non é rendable e que produce perdas? Se hai beneficios, ¿por qué venden os bancos? E se hai perdas, ¿por qué compra a Xunta? Para un observador pouco entendido, a deserción das entidades bancarias parécese a unha fuxida ante o presentimento dun próximo e inevitable naufraxio “do negocio”. E por parte dos responsables da Xunta, a súa actitude nestes tempos de crise, parécese á do cazador que “dispara coa pólvora do Rei”, co pretexto de manter a galeguidade da empresa.

Mais manter esa galeguidade dunha empresa con perdas, significa galeguizar esas perdas, para pagalas entre todos os galegos.

Eu coido que non acertan os da Xunta e que non hai beneficios, porque se os houbese, ¿por qué non mercan eles as accións cos seus propios cartiños? Eis a pregunta clave.

Diario de Ferrol

Por que cheira "a marihuana"

Forestal do Atlántico

A asociación de veciños O Cruceiro de Meá, de Mugardos, acaba de enviar un escrito á secretaría xeral de Calidade e Avaliación Ambiental da Xunta para solicitar unha entrevista co fin de tratar "a emisión de cheiros" que a entidade atribúe á empresa Forestal do Atlántico.
A asociación explica que nun escrito recibido o pasado abril por parte deste organismo autonómico, ao que anteriormente se dirixiu a agrupación, "informábanos de que, tras as análises realizadas por unha unidade móbil trasladada á zona, a conclusión era que as medicións cumprían coa actual lexislación. Sen embargo, tamén indicábase que representantes dá empresa recoñeceran unha serie de circunstancias que puideron dar lugar á emisión de cheiros".
Como ese cheiro persiste, segundo denuncia O Cruceiro de Meá, a entidade pide de novo ao organismo autonómico que realice mostraxes e tómense as medidas oportunas. "Queremos conseguir que se solucione o problema dunha vez".

Xornal.com

A cuestión estratéxica…

Arxelia quere subir un 30% o gas a España e abre un conflicto político

E tan estratéxica unha planta de gas como facer churros de petroleo. Cando pensamos en dispor dun recurso finito que entrará máis cedo que tarde no seu pico de produción e que nos fai dependentes enerxéticamente non podemos dicir que é un recurso estratéxico. Xa o dixemos no seu día e o seguimos dicindo. O único estratéxico foi o pelotazo que encheu os petos dalgúns… a quen apoiaron outros de forma indecente.

Esta planta de gas será demolida algún día, pero antes será un fermoso fósil na nosa ría xa que non lles resultará doado recoñecer que todo foi un gran “negocio”.

Reganosa Demolizón

I Foro Mugardos Lingua e Sociedade

Os vindeiros 8 e 9 de outubro o Pazo de Rilo do Concello de Mugardos acollerá o "Foro Mugardos Lingua e Sociedade" organizado polo Seminario Permanente de Lingua e Sociedade da Fundación Carlos Casares. Baixo o título "O prestixio social do galego", reunirá a expertos galegos e estranxeiros que disertarán sobre a construción do prestixio das linguas minoritarias.

O Seminario Permanante de Lingua e Sociedade, da Fundación Carlos Casares organiza os días 8 e 9 de outubro en Mugardos o Foro Lingua e Sociedade, unha das actividades dirixidas a fortalecer o proceso de normalización lingüística de Galiza e para afondar no estudo e análise das relacións entre a lingua e a sociedade.
Este ano o Foro Mugardos Lingua e Sociedade titúlase O presitixio social do galego. Nel participarán especialistas galegos e estranxeiros como Glyn Williams, Gabriel Rei-Doval, Xosé Luís Barreiro, Valentín García Gómez, Joan Argenter ou Fernando Ramallo, que abordarán como se constrúe o prestixio das linguas socialmente minoritarias, que variables definen ese prestixio e como se pode actuar sobre elas.
Esta primeira edición do Foro, que ten vocación de continuidade, está destinada ao público xeral interesado no tema, aínda que tamén centrando a atención sobre lingüistas, sociólogos, profesionais de servizos de normalización, axentes e intermediarios culturais, estudantes, etc. Preténdese un debate teórico sobre o tema, sempre dende unha óptica construtiva, asi tamén apuntar algunha liña posible de actuación inmediata.
As incripcións, gratuítas, poden facerse a través do correo electrónico info@fundacioncarloscasares.org ou chamando ao teléfono 986.225.785.

Un dubidoso penalti condenou ao Galicia de Mugardos ante o Campus Stellae

Campus Stellae 1-0 Galicia de Mugardos

O Galicia de Mugardos levou unha fatídica sorpresa na súa visita ao novo Campus Stellae, e non polo bo xogo da formación compostelá, senón por un protestado penalti no último minuto de xogo que supuxo a derrota dos pupilos de Germán Amil.
E é que durante case toda a contenda foi o equipo de Ferrolterra o que marcou o ritmo de xogo, mentres o grupo santiagués esperaba as súas oportunidades á contra sen demasiado éxito. Foi nesta primeira parte cando comezaron os conflitos arbitrais tras un posible penalti sobre Maikel que o colexiado non sinalou. No segundo tempo, Rebolo puido inaugurar o marcador nunha xogada que finalmente terminou en auga de borrajas e que mantiña o Mugardos como claro dominador do choque.
Cando parecía que o partido ía finalizar en empate, un xogador local intentou cabecear un despexe de Adrián na área, momento en que, mentres que o asistente sinalaba saque de esquina, o colexiado decretou a pena máxima ante a incredulidade tanto dos xogadores locais como de visitantes. Marcos non desaproveitou esta ocasión chegada inesperadamente para lograr o triunfo.

Diario de Ferrol

Perigo!! gaseiro 75 cargado con GNL para Reganosa

LNG "Kano"

Mañá lúns, 27 de Setembro está prevista a entrada dun novo gaseiro na Ría de Ferrol, trátase do buque gaseiro "LNG Kano" que coa súa perigosa carga de Gas Natural Licuado (LNG), para a ilegal Reganosa, faría o nº 75 que entra na Ría desde Maio de 2007, poñendo en alto risco de inseguridade a miles de persoas.

Unha vez máis esta irresponsabilidade non pode quedar sen resposta, é por iso, polo que o Comité Cidadán de Emerxencia decide convocar a CONCENTRACIÓN de protesta, o Lúns, 27 de Setembro de 2010, ás 8 da tarde, na Praza Amada García, diante do Edificio Administrativo da Xunta de Galicia, en Ferrol.

Antes de que suceda unha catástrofre

Comité Cidadán de Emerxencia

A Xunta aproba o campo de fútbol de Mugardos

A Consellería de Medio Ambiente, Territorio e Infraestruturas ratificou onte a aprobación da modificación puntual do Plan Xeral de Ordenación Municipal (PXOM) de Mugardos para permitir que o campo da Pedreira, onde xoga o Galicia de Mugardos, pase a dispor de céspede artificial. O cambio "ten por obxecto cualificar a devandita parcela como sistema xeral de equipamento deportivo público en só urbano consolidado, axustando os seus límites á realidade parcelaria e redelimitando en consecuencia o só urbano non consolidado P-1 A Pedreira", explican fontes oficiais do Goberno galego.
A parcela ten unha superficie de 6.824 metros cadrados, "hoxe destinada a campo de fútbol e que foi cedida ao Concello pola Sociedade Deportiva Galicia de Mugardos mediante escritura pública de xaneiro de 2009". Ademais, o proxecto que ratificou a Xunta onte "contén unha serie de modificacións respecto"ao que se informou en xullo,"consistentes fundamentalmente na previsión dunha vía pública de nove metros de longo que dá acceso á parcela dotacional; e na redelimitación desta adaptándoa á parcela catastral".

Reaccións

O alcalde de Mugardos, Xosé Fernández Barcia, foi notificado o xoves de que esta aprobación se ía a producir ao longo desta semana. O rexedor nacionalista mostrou a súa satisfacción porque, por fin, desbloqueouse "despois dun longo proceso de negociacións tanto coa Secretaria Xeral, como coa Sociedade Deportiva Galicia de Mugardos e persoas particulares, para conseguir a cesión de terreos afectados para levar a termo as obras contempladas non proxecto construtivo". As obras foron adxudicadas definitivamente á empresa Oviga e contemplan un investimento de 400.000 euros. [Ler máis]

Pasado e presente: Centenario da Unión Mugardesa

Centenario Unión Mugardesa

A emigración foi para a Galicia de finais do século XIX o que a Unión Europea representou para a España dos anos oitenta. O diñeiro do novo mundo chegaba a pobos como Ares e Mugardos da man de entidades que, con sedes en países afastados e case descoñecidos, daban impulso a proxectos educativos laicos, gratuítos e de moi alto nivel educativo. Se a Alianza Aresana foi unha das pioneiras da comarca e ata de Galicia, a Unión Mugardesa representou o progreso no caso da real vila. A constitución da Sociedade Unión Mugardesa de Instrución, feito que ocorreu o día 13 de xuño de 1909, daría lugar un ano e pico máis tarde (2 de outubro de 1910) á entrada en funcionamento dun centro educativo aínda vixente.

Hoxe un século despois, herdeiros e beneficiarios do aquel esforzo colectivo e desinteresado celebran o centenario do centro cun apertado programa de actividades, que arrincará o vindeiro sábado cunha representación teatral e terá no día 2 de outubro unha das súas xornadas máis significativas. Os preparativos están en marcha desde fai practicamente un ano, tal e como confirmou a esta redacción a actual directora do colexio, Nieves Freire.

A recadación de fondos "máis de 8.000 euros en total" e unha chamada de colaboración realizada ao conxunto da poboación mugardesa "para recompilar imaxes e documentación" foron os puntos de partida dunha iniciativa na que están implicados desde profesores e alumnos, ata pais e autoridades locais. Tampouco se pode obviar a colaboración que a comisión organizadora dos actos do centenario atopou entre estudantes e docentes doutros centros e a axuda de Ernesto López Naveira, Vicente Peña e Xoán Rubia, entre outros.

Este interese e traballo queda demostrado desde o primeiro ata o último dos actos organizados. "Sempre en Galicia2 é unha peza teatral que, ademais de abrir o programa do centenario, deixa constancia en catro actos da influencia da emigración no desenvolvemento de Galicia. A representación corre a cargo de alumnos de once e doce anos do centro, será o día 25 e comezará ás 18.30 horas. A continuación, Ernesto López Naveiras pronunciará a conferencia "A tarefa máis fermosa dá emigración galega a América".

Os actos retomaranse o día 1 de outubro coa inauguración de dúas exposicións. O local social de Maiores acollerán as mostras nas que se desglosarán en imaxes tanto os cen anos de existencia do colexio Unión Mugardesa como retrincos da historia das escolas de "habaneiros". Estas aproximacións concluirán cunha conferencia que, a cargo de Vicente Peña, levará por título "Escolas de americanos: proxectos e experiencias sobranceiros de educación popular para a Galicia Rural (1904-1936)".

O día 2, data central do aniversario, os actos prolongaranse ao longo de toda a xornada. Esta comezará cunha viaxe en lancha das autoridades desde o porto de Ferrol ata o de Mugardos, tal e como cen anos antes tamén sucedera con motivo da inauguración do centro educativo mugardés. A visita ás exposicións, o descubrimento dunha placa e un xantar no pavillón municipal co mesmo menú inaugural (serviuse paella, polbo, pastelón de polos, rosbeaff, sobremesas, viños, café e coñac), darán paso, a continuación, ás actuacións de Xoán Rubia e do trío Soboney. O programa finalizará o día 8 de outubro cunha mesa redonda.

Diario de Ferrol