12/31/2014

60º Cabodano da morte de "Pancho"

12/28/2014

Bo Nadal

11/08/2014

9/16/2014

O Tribunal Supremo admite a trámite o Recurso do CCE


O Tribunal Supremo admite a trámite o Recurso de Casación interposto polo Comité Cidadán de Emerxencia contra o auto do Tribunal Supremo de Xustiza de Galicia que denegaba a nulidade da nova modificación do PGOM de Mugardos en execución da sentenza

Ler Auto do Tribunal Supremo


Comité Cidadán

ferrolsuso.blogspot




9/14/2014

Perigo!! gaseiro 179 cargado con GNL para Reganosa


Estando prevista a entrada na Ría dun vello gaseiro (34 años de antigüedade) cargado con GNL, nº 179
o Comité Cidadán de Emerxencia convoca:

CONCENTRACIÓN

Lúns 15 de setembro 2014, ás 20 hs.

Peirao de Curuxeiras

Características do buque:  Nome: Mourad Didouche, Ano Construción.- 1980,
Bandeira.Arxelia,Eslora.-274.42m,Manga.-42m, Puntal.-26.14 m,Calado.-13.30 m Capacidade.- 126.130 m³ de GNL,

Planta de Gas : PECHE XÁ !



PASO A PASO


Comité Cidadán de Emerxencia

Ártabra 21

9/03/2014

Tod@s paramos o Galicia Spirit


No nome do Comité Cidadán de Emerxencia ¡ GRAZAS! | A axuda solidaria impediu a entrada de Bastida no cárcere

O CCE manifesta o seu agradecemento a todas as persoas, que de forma individual, e a todas as formacións políticas e entidades cívicas (EU, Anova-IN, Espazo Ecosocialista Galego, A Revolta de Trasancos, Fuco Buxán, Colectivo Artabra 21, Adega, Plataforma de veciños “O Cruceiro de Mehá”), que de xeito colectivo, contribuíron coa súa axuda solidaria, a alcanzar os 4.995,25 €, cos que se cubríron con creces os recursos necesarios para impedir queBernardo Bastida entre no cárcere.

O CCE promoveu, en maio do 2007, a acción pola que foi condenado Bastida, o bloqueo da entrada na Ría do primeiro gaseiro cargado con GNL, nela participamos centos de persoas e a través da cal transcendeu mais aló da nosa comarca a barbaridade da planta de Reganosa, rompéndose os muros de silencio que invisibilizaban a nosa loita. Unha loita colectiva non podía admitir a condena dun só compañeiro, así o entenderon as persoas e entidades que mostraron a súa corresponsabilidade en apoio solidario.

Catorce anos de loita, de mobilización permanente en defensa da vida, da legalidade e da Ría. O caso da Planta de Gas de Reganosa é un proceso continuado de corrupción política-financieira. O pasado 18 de Xullo, celebrábamos a 8ª Marcha a Pé a Mugardos baixo o lema “Móvete contra a impunidade”. Rexeitada polo Tribunal a autoinculpación de decenas de persoas que participamos no bloqueo da Ría, é indignante observar a condena de Bastida, namentres os corruptos, os responsables de tamaña barbaridade campan con total impunidade. Algúns son premiados incluso, como Jose Luis Mendez ex-Presidente de Caixa Galicia, no Consello de Administración de Reganosa

Nestes últimos tempos o Comité Cidadán de Emerxencia, ten que facer fronte a outra dificultade engadida. O Goberno do PP, de Rajoy e de Gallardón, promoveron una contrarreforma xudicial (novas taxas etc…) coa que tentan impedir o acceso da cidadanía á xustiza e favorecer así a impunidade das grandes empresas e corporacións, como é o caso de Reganosa.

O CCE, que promove a mobilización permanente, con concentracións a cada entrada de gaseiro cargado con GNL na Ría, ten interpostos varios contenciosos xudiciais contra a planta de gas de Reganosa. O seu sostén require agora de máis recursos económicos, de aí que prosigamos coa campaña para a obtención dos mesmos e o sobrante do recadado para salvagardar a liberdade de Bastida se destine a este fin.

Comité Cidadán de Emerxencia para a Ría de Ferrol

8/01/2014

Perigo!! gaseiro 174 cargado con GNL para Reganosa



LNG "Pourt Harcourt en Reganosa 23/2/2011

Agárdase para mañá día 2 de Agosto a entrada na ría, para suministro da planta de Reganosa, do LNG "Port Harcourt" un vello gaseiro de 35 anos de antiguedade cargado con GNL, que fará o número 174 dos arribados.

É por isto polo que o Comité Cidadán de Emerxencia para a Ría de Ferrol convoca unha CONCENTRACIÓN de protesta este

sábado, 2 de agosto 2014, ás 20 hs,

Peirao de Curuxeiras – Ferrol

para amosar a súa desconformidade coa entrada na Ría de buques cun cargamento tan perigoso como é o GNL

Así como reclamamos que se cumpra a sentenza do Tribunal Supremo, que dictaminou que a planta de gas de Reganosa está operando IL€GALM€NTE na Ría de Ferrol



PASO A PASO



Ártabra 21




7/03/2014

VIII Marcha a pé desde Ferrol até Mugardos



O Comité Cidadán de Emerxencia para a Ría de Ferrol  convoca a todas as entidades, colectivos e organizacións sociais, e a todas aquelas persoas interesadas a participar na 8ª MARCHA A PÉ FERROL – MUGARDOS, co lema:MÓVETE CONTRA A IMPUNIDADE!.

A Marcha, como é habitual cada ano, partirá ás 17 hs, do venres 18 de xullo do Parque Carmelo Teixeiro, xunto a ermida de Caranza, e tras percorrer a Ponte de As Pías, Perlío, Barallobre, Maniños, Franza, A Pedreira e Reganosa, rematará no Campo dos Carneiros de Mugardos, onde se recibirá aos camiñantes e a quenes por calquera medio (bici, carro, lancha…) se acheguen, con música e merenda, coma sempre, a módico prezo.
O CCE fai un chamamento a participación e a difusión desta actividade, co ánimo de manifestar publicamente, unha vez máis, a perigosidade da Planta de Gas de Reganosa, unha ameaza constante para a vida de milleiros de persoas, a contaminación da Ría e a destrucción do marisqueo e os seus postos de traballo, a ilegalidade da súa ubicación confirmada pola Sentenza do Tribunal Supremo e o innecesario da súa actividade pola falta de demanda (funciona ao 30% co gasoducto de Tui pechado) e polo antieconómico dos seus resultados (cústanos 60 millóns de euros/ano a toda a cidadanía).

   PARTICIPA E DIFUNDE



PASO A PASO,

                                                     



5/04/2014

A triste lousa de unha inxusta orfandade


Por Bernardo Maiz [*]
03.05.2014
Gabriel Toimil García naceu no antigo Hospital de Caridad rematando outubro do 1937, paríndoo a súa nai baixo a vixilancia dun garda armado pois estaba sometida á xurisdición militar de guerra. O día 16 de novembro a nai co seu fillo retornou ao cárcere de mulleres, na traseira do convento da Compañía de María, onde, despois de dúas detencións e liberacións anteriores, levaba presa dende o 19 de abril de 1937 baixo a acusación de rebelión militar, exercida, irónica e tristemente, por quen se rebelaran en xullo do 1936 contra o lexítimo goberno republicano. Nun inmisericorde consello de Guerra a mugardesa Amada García, de 28 anos, foi condenada a morte o 3 de decembro do 1937, sendo pasada por las armas no castelo de San Felipe con outros sete compañeiros na mañanciña do día 27 de xaneiro de 1938. Apenas media hora antes o pai de Amadita, unha súa tía e o seu home reembarcaran co neno Gabriel no bote no que se achegaran á rampla do castelo; ao atracar en Mugardos escoitaron os disparos do pelotón de fusilamento.
Gabriel, sen nai e cun pai distante, criouse cos avós maternos en Ferrol Vello, indo ao mar no bote Gabrieliño ou no bote Amadita co seu avó pescador, acompañando a súa avoa vender peixe na praza. Estudou bacharelato, foi mariñeiro, entrou en Bazán, casou, tivo dúas fillas, netas, gañou o respecto de tantos que moito o apreciamos e foi feliz ... Relativamente, pois sempre cargou coa triste lousa da súa tan inxusta orfandade, anguria apenas compensada co orgullo de ser fillo dunha nai asasinada só por «ser mujer y republicana», unha muller que exercera e defendera os seus dereitos cívicos en igualdade.
Este 2 de maio, de mañanciña, recibín un recado de Amada Toimil: «Solo decirte que mi padre ha muerto». Con todo o meu agarimo, vaia esta nota na súa lembranza.
obituario gabriel toimil garcía (1937-2014)
[*Bernardo Máiz Vázquez, Ferrol 1950, profesor, mariñeiro, historiador e activista. Leva toda unha vida, entre moitas outras iniciativas, a recuperar a memoria histórica da "longa noite de pedra" que foi a Ditadura fascista do franquismo: a vida, a represión, a resistencia, ... autor do libro "Galicia na IIª República e baixo o franquismo" - 1988, e doutros moitos estudos, artigos, libros e traballos compartidos.

3/09/2014

Perigo!! gaseiro 164 cargado con GNL para Reganosa


Ante o anuncio de entrada no interior da ría de Ferrol, do 164 gaseiro cargado de GNL, con destino a Reganosa, o "Comité Cidadán de Emerxencia para a Ría de Ferrol" CONVOCA a súa 160 concentración lexítima, en rexeitamento da actual ubicación da planta de gas, e o transito de gaseiros no interior da nosa ría. 

Así como reclamamos que se cumpra a sentenza do Tribunal Supremo, que dictaminou que a planta de gas de Reganosa está operando IL€GALM€NTE na Ría de Ferrol, (esta sentenza é inapelable). 


Concentración: 

Lúns, 10 de Marzo, ás 19:00 h. na Praza Amada García, Ferrol 

Características do buque: Nome.- “LNG Explorer”, Bandeira.- Islas Marshall, Eslora.- 288 m, Manga.- 44 m, Puntal.- 19.70m, Calado.- 11.60 m, Capacidade.- 155.000 m³ de GNL 



PASO A PASO




1/13/2014

ATENCION PERIGO! GASEIRO CARGADO DENTRO DA RIA

LNG Bayelsa

Ante o anuncio de entrada no interior da ría de Ferrol, do 160 gaseiro cargado de GNL, con destino a Reganosa, o "Comité Cidadán de Emerxencia para a Ría de Ferrol" CONVOCOU a súa 160 concentración lexítima, en rexeitamento da actual ubicación da planta de gas, e o transito de gaseiros no interior da nosa ría. 


Así como reclamamos que se cumpra a sentenza do Tribunal Supremo, que dictaminou que a planta de gas de Reganosa está operando IL€GALM€NTE na Ría de Ferrol, (esta sentenza é inapelable). 

Concentración: Concentraronse hoxe, lúns, 13 de xaneiro 2014, ás 19 hs,

diante do Edificio da Xunta de Galicia Praza Amada García – Ferrol  

PASO A PASO