10/27/2010

Avanzan as denuncias contra Reganosa no Parlamento Europeo

Nota de Prensa do Comité Cidadán de Emerxencia para a Ría de Ferrol

A Comisón de Peticións do Parlamento Europeo, en sesión celebrada o 25 de outubro, acordou seguir tramitando a denuncia contra a ilegal e perigosa Planta de Gas de Reganosa, que fora presentada por Esquerda Unida e o Comité Cidadán de Emerxencia, e que foi defendida nesta sesión polo eurodeputado de EU, Willy Meyer, do Grupo Confederal Esquerda Europea e vicepresidente da citada Comisión de Peticións.

Segue tamén o seu trámite, na Comisión Europea, outra denuncia (Refª: Ayudas de Estado-CP 309/2007, de 29.10.07 e alegacións complementarias posteriores) ante a Dirección General de la Competencia, presentada pola A. VV. "O Cruceiro de Meá" e a Federación Veciñal "Roi Xordo".

Confiando que o esforzo permanente de oposición da cidadanía e a xustiza (tal como ten confirmado en varias sentenzas o noso Tribunal Superior) acaben co perigo e o despilfarro económico a que esta Planta de Gas nos somete, proseguiremos na nosa demanda, como hai más de unha década vimos facendo.

Antes de que suceda unha catástrofre

Comité Cidadán de Emerxencia

Bruselas seguirá investigando a Reganosa

10/25/2010

Os erros no remate condenaron ao Galicia de Mugardos á derrota

A ineficacia diante da meta contraria volveu xogar unha mala pasada ao Galicia de Mugardos na súa visita ao terreo de xogo do C.D. Dornea, co que perdeu por un apertado 1-0.

O conxunto de Germán Amil foi mellor que o seu adversario e dispuxo das mellores oportunidades para marcar, pero non acertou ningunha e ao final custoulle a derrota. Rubén Seco puido adiantar aos mugardeses, aos oito minutos, pero o seu remate saíu rozando o poste. Ao fío do descanso foi Adrián o que non acertou a enviar o balón á rede dentro da área pequena.
Na segunda metade a situación transcorreu dunha forma similar, xa que as opcións para adiantarse eran visitantes. Juan Jesús e Rubén Seco desperdicieron dous lanzamentos que acabaron nas mans do porteiro.

Aos 79 minutos, o Dorneda quedou cun home menos, o que parecía unha vantaxe para o Galicia. Con todo, non soubo aproveitala e, por contra, o seu adversario púxose por diante nun remate dunha falta a cargo do lateral Afonso, ante a pasividade da defensa mugardesa. Ese tanto foi unha laxa difícil de superar, polo que os puntos quedaron na marcadora local.

Dorneda: Manu, Afonso, Jacobo, Modesto, Héctor, Adrián, Miguel, David (Alberto, min. 80), Pou (Miguel Anxo, min. 80), Élmer e Cheki (Martín, min. 57).
Galicia de Mugardos: Óscar (Agustín, min. 35), Rubén, Jorge, Adrián, Sanmartín, Manel, Óscar Pérez (Míchel, min. 87), Juan Jesús, Maikel, Rubén Seco e Vituco (Puchi, min. 79).
Árbitro: Matías Otero, do colexio pontevedrés. Amoestou con cartón amarelo aos xogadores visitantes Óscar e Manel e aos locais Adrián, Elmer, Cheki e a Modesto, en dúas ocasións.
Goles: 1-0 min. 85: Afonso.
Campo: Pardo Conchado.

Diario de Ferrol

10/22/2010

Reganosa pódenos saír ben cara

Nota de Prensa do Comité Cidadán de Emerxencia para a Ría de Ferrol

A Xunta de Galiza vai desembolsar 7 millóns de euros que xunto aos 5 millóns aportados nos anos anteriores suman un total de 12 millóns de euros de cartos públicos invertidos nunha empresa privada e que ten o futuro seriamente comprometido polas seguintes cuestións:

1.Inseguridade xurídica.

Recordemos que o Tribunal Superior de Xustiza de Galicia ditou dúas sentencias en contra da tramitación ambiental seguida por Reganosa. A falta do estudio de impacto ambiental foi a causa determinante de estas sentencias. Catro anos despois aínda están pendentes de resolución os recursos que Reganosa presentou no Tribunal Supremo de Madrid.

Máis recentemente, no ano 2009, o Tribunal Superior de Xustiza de Galicia anulaba as modificacións realizadas no Plan Xeral de Ordenación Urbana de Mugardos e que facilitaron a instalación de Reganosa en Punta Promontorio.

Reganosa ten outros 8 pleitos pendentes de resolver....

2. Incerteza sobre as retribucións que percibirá do sistema gasista.

Estás retribucións son os únicos ingresos de Reganosa, e os acada, independentemente da produtividade que teña a instalación. Cobraría as mesmas cantidades aínda que non regasificara un litro de gas. Dende hai uns meses o goberno do Estado está deseñando unha nova planificación enerxética que podería afectar negativamente a Reganosa .

O abastecemento de gas a Galicia está garantido. Actualmente xa existe o gasoducto de Tui-Llaneras que ten unha capacidade superior en 2,5 veces a produción actual de REGANOSA.

3. Elevado déficit e alto custo de financiamento.

Reganosa construíuse e iniciou o funcionamento no ano 2007, cun crédito de máis de 370 millóns de euros. O crédito foi facilitado aos promotores por un grupo de bancos BBVA e CAIXA GALICIA, RBS e outros. A amortización de este crédito e o pago dos intereses supón un importante lastre para Reganosa que debe amortizar anualmente 20 millóns de euros e pagar xuros por un importe de 12 millóns de euros.

4. Perdida do Control da Empresa.

O verdadeiro control de esta empresa está polo tanto nas mans dos bancos crediticios, que o exercen a través das numerosas garantías que Reganosa lles tivo que outorgar.
Reganosa, debido a esta situación, ten limitadas: a capacidade de endebedamento, a capacidade de gasto e incluso o reparto de beneficios no caso que os houbese.

Débese ter en conta que entre os numerosos avales entregados aos bancos crediticios incluíuse o dereito de prenda sobre as accións dos socios - entre elas as de ENDESA, CAIXA GALICIA, CAIXA NOVA E BANCO PASTOR - que agora están á venda.

Os bancos crediticios polo tanto, poderían obrigar a amortizar adiantadamente parte do crédito, co diñeiro que pagase un terceiro pola titularidade destas accións.

Aquí temos o papel da Xunta de Galicia: compra as accións co noso diñeiro, garante que as tremendas ganancias dos bancos se perpetúen ante un inminente risco da perda do negocio, e de paso, a Xunta contribúe a que o gas natural nos saia algo máis caro a tod@s os consumidor@s.

Resulta asombrosa a sensibilidade da Xunta ante a mínima percepción de risco por parte da banca e a inmediata resposta con cargo aos cartos públicos. O verdadeiro perigo que mantén ameazada a poboación, e a contínua destrución da ría de Ferrol, deben seguir esperando.

Reganosa pódenos saír ben cara.

Ferrol a 22 de Outubro de 2010

Comité Cidadán de Emerxencia

diário liberdade

Perigo!! gaseiro 77 cargado con GNL para Reganosa

Mañá, sábado 23 de Outubro está prevista a entrada dun novo gaseiro na Ría de Ferrol, trátase do buque gaseiro "LNG Lokoja" que coa súa perigosa carga de Gas Natural Licuado (LNG), para a ilegal Reganosa, faría o nº 77 que entra na Ría desde Maio de 2007, poñendo en alto risco de inseguridade a miles de persoas.

Unha vez máis esta irresponsabilidade non pode quedar sen resposta, é por iso, polo que o
Comité Cidadán de Emerxencia decide convocar a CONCENTRACIÓN de protesta, mañá sábado 23 de Outubro de 2010, ás 7 da tarde, na Praza Amada García, diante do Edificio Administrativo da Xunta de Galicia, en Ferrol.

Antes de que suceda unha catástrofre

10/18/2010

A falta de puntería en ataque privou ao Mugardos da vitoria

Exhibición ofensiva dos locais, que recibiron dous tantos en dous fallos defensivos

Galicia de Mugardos e Dubra ofreceron onte un encontro moi disputado na Pedreira e que finalizou en táboas (2-2). A pesar de que os visitantes conseguiron adiantarse por dúas veces no marcador, o cadro local foi un auténtico ciclón de fútbol ofensivo e tan só a mala sorte dos seus homes de ataque nos últimos metros privoulles de conseguir a vitoria.

Unha vitoria que por lóxica e ocasións puido ser avultada. No entanto, o peso psicolóxico da mala situación do equipo neste arranque ligueiro parece que lle está pasando factura en accións concretas ao equipo que prepara Germán Amil, pois en facetas defensivas continúan concedendo moito ao rival. Ante o Dubra non foi unha excepción e, un erro do meta Oscar e outro da liña defensiva, condenou ao equipo a ir por dúas veces por baixo no marcador e ter que remontar. O Dubra mostrouse sólido en facetas defensivas e escaso de puntería nos postos de ataque.

Galicia Mugardos: Oscar, Rubén, Rouco (Esteban, min. 75), Jorge, Manuel, Grueiro (Juan Jesús, min. 46), José (Michel, min. 75), Oscar Pérez (Dani Eume, min. 69), Maikel, Rubén Seco e Vituco.
Dubra: Manuel, Pablo, Jacobo, Nacho Valdés (Juan Caneda, min. 85), Louro, Liñares, Adrián Mato, Jorge (Roberto, min. 11), Dani, Leites e Anxo (Toño, min. 90).
Árbitro: Del Río Amor (A Coruña). Mostrou cartón amarelo aos locais Manuel, Grueiro e Esteban. Polos visitantes vírona Pablo, Louro e Roberto.
Goles: 0-1, min. 4: Dani; 1-1, min. 5: José; 1-2, min. 66: Dani; 2-2, min. 74: Jorge.
Campo: A Pedreira. Uns 200 espectadores.

elcorreogallego.es

10/16/2010

Perigo!! gaseiro 76 cargado con GNL para Reganosa


O lúns, 18 de Outubro está prevista a entrada dun novo gaseiro na Ría de Ferrol, trátase do buque gaseiro "LNG Benue" que coa súa perigosa carga de Gas Natural Licuado (LNG), para a ilegal Reganosa, faría o nº 76 que entra na Ría desde Maio de 2007, poñendo en alto risco de inseguridade a miles de persoas.

Unha vez máis esta irresponsabilidade non pode quedar sen resposta, é por iso, polo que o Comité Cidadán de Emerxencia decide convocar a CONCENTRACIÓN de protesta, o lúns, 18 de Outubro de 2010, ás 7 da tarde, na Praza Amada García, diante do Edificio Administrativo da Xunta de Galicia, en Ferrol.

Antes de que suceda unha catástrofre



Comité Cidadán de Emerxencia

10/14/2010

Gas Natural-Sonatrach, ou o triunfo de Goliat




É seica Gas Natural unha empresa pública? Non temos nada que negociar co Goberno español, Gas Natural debe cumprir a sentenza e pagar". Estes duros comentarios atribúense a un alto directivo de Sonatrach, o coloso estatal alxerino que, para asombro dos expertos en arbitraxe internacional, logrou que a Corte de París aceptase todas as súas peticións (habitualmente óptase por un xusto medio) na controversia que duraba xa dous anos sobre a revisión dos contratos de aprovisionamento que mantén con Sonatrach. [Ler máis]

Gas Natural debe pagar 1.450 millóns a Sonatrach

Dimensión do problema do gas

10/13/2010

Boiro 3-1 Galicia de Mugardos


Nada fácil resultou ao Boiro desfacerse do apuro no que o meteu un Galicia Mugardos solidario atrás, combativo e bo manejador da pelota na sala de máquinas, e agresivo arriba, aínda que sen a calidade suficiente para superar a solidez defensiva de que dá mostras o combinado boirista neste arranque de tempada.
Co novo Eloy baixo paus, respondendo con solvencia ás esixencias de Maikel (min 3) e José (min 8) e aos centros ao área, e con Changui no eixo do ataque, os boiristas tiveron problemas para tecer o xogo de entrelíneas, zona na que cometeron demasiadas imprecisións. Un penalti (min 8) sobre Adrián, un remate á base do poste de Changui (min 24) e unha falta de Anxo que o porteiro sacou a córner con enormes dificultades (min 28) anunciaron o 1-0 (min 27). A mesma tónica seguiu na segunda parte. Tras o 1-1, Changui contestou con rapidez e sentenciou o choque.

Boiro:
Eloy; Jonathan (Álex, min 68), Dani Conde, Borja, Roberto, Cardeñosa (Rivas, min 65), Anxo (Pablito, min 55), Walter (Pajarillo, 89), Jon (David, min 78), Changui e Adrián Armental.
Galicia Mugardos: Agustín (Óscar, min 46); Rubén, Jorge, Manuel, Sanmartín, Grueiro, José (Puchi, min 58), Óscar Pérez, Maikel e Rubén Seco (Dani Eume, min 71).
Árbitro: Correia (Vigo). Quisquilloso. Expulsou a Samartín (min 90). Goles: 1-0, min 27: Changui bate ao meta Agustín tras recibir un pase de Walter caído no céspede; 1-1, min 48: Grueiro, ao converter un penalti cometido por Cardeñosa sobre Maikel; 2-1, min 53: Changui, tras un servizo de Cardeñosa; 3-1, min 57: Changui, de cabeza.
Incidencias: Partido da oitava xornada de Preferente. Celebrouse en Barraña, que, nunha tarde estupenda, rexistrou unha das melloras entradas en anos: ao redor de 500 espectadores.

10/11/2010

REGANOSA


Opinión de Amadeo Varela. Luns, 11 de Outubro de 2010

Hai algúns días, os medios de comunicación trouxeron dúas noticias que, estando relacionadas entre si, poderíanse considerar contraditorias. Unha é a de que varios accionistas de Reganosa, entre eles tres entidades bancarias, vendían as accións que posuían; a outra, a de que a Xunta vai mercar parte das accións que as outras venden.

Este asunto de compravenda de accións non tería maior comentario, por seren operacións relativamente frecuentes no mundo das finanzas. Mais neste caso concreto conflúen circunstancias un pouco raras, e xa que logo, convén profundizar un pouco no tema por mor de tentar atopar respostas a varias preguntas que poderían xurdir, como por exemplo: ¿É verdade que a mentada planta produce importantes beneficios? E pola outra, ¿terán razón os que afirman que a planta non é rendable e que produce perdas? Se hai beneficios, ¿por qué venden os bancos? E se hai perdas, ¿por qué compra a Xunta? Para un observador pouco entendido, a deserción das entidades bancarias parécese a unha fuxida ante o presentimento dun próximo e inevitable naufraxio “do negocio”. E por parte dos responsables da Xunta, a súa actitude nestes tempos de crise, parécese á do cazador que “dispara coa pólvora do Rei”, co pretexto de manter a galeguidade da empresa.

Mais manter esa galeguidade dunha empresa con perdas, significa galeguizar esas perdas, para pagalas entre todos os galegos.

Eu coido que non acertan os da Xunta e que non hai beneficios, porque se os houbese, ¿por qué non mercan eles as accións cos seus propios cartiños? Eis a pregunta clave.

Diario de Ferrol

10/09/2010

Por que cheira "a marihuana"

A asociación de veciños O Cruceiro de Meá, de Mugardos, acaba de enviar un escrito á secretaría xeral de Calidade e Avaliación Ambiental da Xunta para solicitar unha entrevista co fin de tratar "a emisión de cheiros" que a entidade atribúe á empresa Forestal do Atlántico.
A asociación explica que nun escrito recibido o pasado abril por parte deste organismo autonómico, ao que anteriormente se dirixiu a agrupación, "informábanos de que, tras as análises realizadas por unha unidade móbil trasladada á zona, a conclusión era que as medicións cumprían coa actual lexislación. Sen embargo, tamén indicábase que representantes dá empresa recoñeceran unha serie de circunstancias que puideron dar lugar á emisión de cheiros".
Como ese cheiro persiste, segundo denuncia O Cruceiro de Meá, a entidade pide de novo ao organismo autonómico que realice mostraxes e tómense as medidas oportunas. "Queremos conseguir que se solucione o problema dunha vez".

10/07/2010

A cuestión estratéxica…


E tan estratéxica unha planta de gas como facer churros de petroleo. Cando pensamos en dispor dun recurso finito que entrará máis cedo que tarde no seu pico de produción e que nos fai dependentes enerxéticamente non podemos dicir que é un recurso estratéxico. Xa o dixemos no seu día e o seguimos dicindo. O único estratéxico foi o pelotazo que encheu os petos dalgúns… a quen apoiaron outros de forma indecente.

Esta planta de gas será demolida algún día, pero antes será un fermoso fósil na nosa ría xa que non lles resultará doado recoñecer que todo foi un gran “negocio”.

Reganosa Demolizón

10/06/2010

I Foro Mugardos Lingua e Sociedade

Os vindeiros 8 e 9 de outubro o Pazo de Rilo do Concello de Mugardos acollerá o "Foro Mugardos Lingua e Sociedade" organizado polo Seminario Permanente de Lingua e Sociedade da Fundación Carlos Casares. Baixo o título "O prestixio social do galego", reunirá a expertos galegos e estranxeiros que disertarán sobre a construción do prestixio das linguas minoritarias.

O Seminario Permanante de Lingua e Sociedade, da Fundación Carlos Casares organiza os días 8 e 9 de outubro en Mugardos o Foro Lingua e Sociedade, unha das actividades dirixidas a fortalecer o proceso de normalización lingüística de Galiza e para afondar no estudo e análise das relacións entre a lingua e a sociedade.
Este ano o Foro Mugardos Lingua e Sociedade titúlase O presitixio social do galego. Nel participarán especialistas galegos e estranxeiros como Glyn Williams, Gabriel Rei-Doval, Xosé Luís Barreiro, Valentín García Gómez, Joan Argenter ou Fernando Ramallo, que abordarán como se constrúe o prestixio das linguas socialmente minoritarias, que variables definen ese prestixio e como se pode actuar sobre elas.
Esta primeira edición do Foro, que ten vocación de continuidade, está destinada ao público xeral interesado no tema, aínda que tamén centrando a atención sobre lingüistas, sociólogos, profesionais de servizos de normalización, axentes e intermediarios culturais, estudantes, etc. Preténdese un debate teórico sobre o tema, sempre dende unha óptica construtiva, asi tamén apuntar algunha liña posible de actuación inmediata.
As incripcións, gratuítas, poden facerse a través do correo electrónico info@fundacioncarloscasares.org ou chamando ao teléfono 986.225.785.

10/04/2010

Un dubidoso penalti condenou ao Galicia de Mugardos ante o Campus Stellae

O Galicia de Mugardos levou unha fatídica sorpresa na súa visita ao novo Campus Stellae, e non polo bo xogo da formación compostelá, senón por un protestado penalti no último minuto de xogo que supuxo a derrota dos pupilos de Germán Amil.
E é que durante case toda a contenda foi o equipo de Ferrolterra o que marcou o ritmo de xogo, mentres o grupo santiagués esperaba as súas oportunidades á contra sen demasiado éxito. Foi nesta primeira parte cando comezaron os conflitos arbitrais tras un posible penalti sobre Maikel que o colexiado non sinalou. No segundo tempo, Rebolo puido inaugurar o marcador nunha xogada que finalmente terminou en auga de borrajas e que mantiña o Mugardos como claro dominador do choque.
Cando parecía que o partido ía finalizar en empate, un xogador local intentou cabecear un despexe de Adrián na área, momento en que, mentres que o asistente sinalaba saque de esquina, o colexiado decretou a pena máxima ante a incredulidade tanto dos xogadores locais como de visitantes. Marcos non desaproveitou esta ocasión chegada inesperadamente para lograr o triunfo.