4/24/2012

Os cambios de uso de Punta Promontorio inician a recta final


A corporación municipal de Mugardos tomou o acordo de aprobar de forma provisional a modificación para a adecuación de uso de regasificación no chan industrial de Punta Promontoiro. O asunto saíu adiante cos votos a favor do BNG, PP e PSOE. O grupo de Esquerda Unida votou en contra. En cuestión de días, a administración local remitirá o acordo plenario á Xunta para que se pronuncie definitivamente sobre certos cambios introducidos no PGOM para adaptar a área industrial de Punta Promontoiro ás últimas normativas, tanto ambientais como de ordenación do territorio. Así, do documento sancionado polos concelleiros na sesión do pasado xoves despréndese un conxunto de disposicións polas que se establece desde un proxecto de sustentabilidade ambiental para a fachada marítima de Mugardos ata un para adaptar o Plan Xeral de Ordenación Municipal ao de urxencia. 
As novas disposicións que existen con respecto á ordenación de litoral e do territorio son outras cuestións tamén previstas. As modificacións xa contan co beneplácito de administracións como o Ministerio de Medio Ambiente, a Demarcación de Costas, Patrimonio da Xunta e a Consellería do Mar, entre outros. Sobre os contidos do documento tamén foron informados aqueles colectivos e asociacións que se viñeron pronunciando en contra da instalación da planta na ría de Ferrol. Precisamente, os inconvenientes aos que o Concello de Mugardos tívose que enfrontar nos últimos anos pola falta dun estudo de impacto ambiental que xustifique a instalación da planta na costa mugardesa é, senón o principal, si un dos alicerces fundamentais que están detrás da modificación puntual do PGOM para a adecuación de uso de regasificación no chan de Punta Promontoiro. 
Aínda que desde o Concello sempre se deixou claro que a instalación da planta é anterior á disposición que obriga á elaboración do informe ambiental, tamén se confía en que coa entrada en vigor do documento acábense as posibles reticencias que poidan existir con respecto a unha planta que "cumprirá todos os requisitos esixidos por lei".

 Antes de que suceda unha catástrofre


O perigo de explosión dun camión envorcado con gas obriga a cortar a A-6


O Concello das Nogais, asesorado por Protección Civil e a Garda Civil, desaloxou onte a tres familias do municipio, con nove membros, ante o perigo de explosión dun tráiler cisterna cargado con 23.000 litros de gas natural inflamable que envorcou na autovía do Noroeste (A-6), en Doncos, e obrigou a cortar a totalidade dos carriis en ambos os sentidos 13 quilómetros todo o día.
O espectacular accidente produciuse pasadas as dez e media da mañá no quilómetro 441 da A-6, cando o vehículo articulado saíu do túnel de Doncos en dirección Madrid e, tras coroar o porto, envorcou polo seu lado esquerdo, arrasou a mediana e embistió contra o noiro dos carriis do sentido contrario. As causas do accidente descoñécense, aínda que, ao parecer, non houbo pegadas de freada brusca, o que pode evidenciar que o condutor se despistou ou tivo un desmaio. O chofer, S.P.P, de 32 anos e veciño de Mugardos, resultou ferido leve e foi trasladado ao hospital Lucus Augusti de Lugo. O camión de mercancías perigosas, cargado con gas metano licuado, procedía de Reganosa (Mugardos) e tiña como destino León.
A Garda Civil de Tráfico, coordinada coa Xunta e os ministerios de Interior e Medio Ambiente, fixou un perímetro de protección duns 600 metros ao redor do vehículo ante o perigo de explosión. O tráiler cisterna trasladaba «o gas inflamable a unha temperatura de 160 graos centígrados baixo cero e calquera quecemento puido causar o seu incendio», indicou o alférez de Tráfico e coordinador do operativo, Manuel Meléndez. Afortunadamente o camión non se precipitou polo lado dereito da A-6 ata a antiga N-VI, onde hai un desnivel duns 15 metros, pois entón a deflagración sería segura. O que si se produciu foi unha pequena fuga do metano trasladado. A cisterna do tráiler fumeaba.

 Antes de que suceda unha catástrofre


4/22/2012

Denuncia ante a Valedora do Pobo


María Luisa Cava de Llano, Valedora do Pobo

O Comité Cidadán de Emerxencia para a Ría de Ferrol formulou denuncia ante a Defensora do Pobo (Madrid), pola negativa de diversas Asministracións e Organismos (Autoridade Portuaria Ferrol-San Cibrao, Capitanía Marítima do Porto de Ferrol, Ministerio de Fomento e REGANOSA), solicitada reiteradamente por este CCE, para determinar o incumplimento da Normativa de Seguridade na entrada dos gaseiros, cargados de GNL, a nosa Ría.

Ao tráfico habitual perigoso e ilegal, súmase agora un novo motivo de preocupación tras a arribada de varios buques incumplindo medidas establecidas en canto a capacidade de carga, meteoroloxía,nocturnidade … que supón unha amenaza constante para aRía e para os habitantes da súa contorna.

4/18/2012

Perigo!! gaseiro 117 cargado con GNL para Reganosa



Prevista a entrada na Ría do gaseiro cargado con GNL, nº 117 “LNG Lokoja” , o Comité Cidadán de Emerxencia convoca

 CONCENTRACIÓN
VENRES, 20 de abril 2012, ás 20 hs, (OITO DA TARDE)
diante do Centro Cívico de Caranza


Características do buque:
Nome.- LNG Lokoja, Bandeira.- Bermuda, Eslora.- 288 m, Manga.- 43 m, Calado.- 10.60 m, Capacidade.- 148.300 m³ de GNL

 Antes de que suceda unha catástrofre



4/17/2012

Denuncia pola entrada nocturna de gaseiros



No dia de hoxe foi rexistrada por parte do Comité Cidadán de Emerxencia, a denuncia xudicial pola entrada nocturna do gaseiro LNG Enugu o pasado 29 de Decembro.

Denuncia por si fora constitutiva de delito, contra as seguintes persoas; Rafael Rguez. Valero(Director General da Marina Mercante), Emilio Bruquetas Serantes (Director- Xerente de Reganosa), Angel del Real Abella (Presidente da Autoridade Portuaria de Ferrol- S. Cibrao), Jorge Cao Ruiz (Capitán Marítimo).

Por permitir a entrada nocturna na Ría de Ferrol o 29 de Decembro do 2011 do gaseiro ”LNG Enugu” cunha capacidade de 145.000 m³, cargado con miles de toneladas de gas natural licuado para subministración da planta de Reganosa, ao incorrer nunha grave responsabilidade de non cumprimento da normativa que regula unha actividade moi perigosa para a seguridade das persoas, expoñendo neglixentemente a vida de máis de 100.000 persoas que vivimos na contorna da Ria de Ferrol.

Ferrol, a 16 de abril de 2012

4/14/2012

Un Galicia de Mugardos sen carácter perde ante un Val eficiente

O conxunto mugardés non inquietou a unha SD O Val que dominou o xogo.

O Galicia realizou un mal partido, con imprecisións e sobre todo con rendementos baixos de todos os aspectos do xogo mentres que O Val sacou beneficio do seu traballo. O Val mostrou disciplina organizativa con presión no centro do campo e un fútbol de creación directo en busca de Pedreira. Ante estas armas O Galicia de Mugardos nunca tivo un plan para neutralizar esa presión no centro do campo e continuamente chocou cun Val ben colocado. 

O Mugardos comezou ben o partido, movendo a pelota e trenzando xogadas. O balón aproximouse ao área defendida por Angel e chegou algunha que outra ocasión. Así no minuto 4 prodúcese a primeira aproximación de Carballeira á porta local pero O Val tamén aproveitou sobre todo os erros defensivos do Mugardos para achegarse á porta que defendeu Agustín, que tampouco tivo o seu día como o resto do equipo. Amil adiantou a defensa pero a presión a tres cuartos do Val posibilitou o roubo de balóns e os contragolpes directos cara a Pedreira, que sempre buscou a porta de Agustín.

4/13/2012

Turismo de astillero


“¿Ferrolanos, qué sabemos hacer?”, preguntaba un Leónidas con acento gallego a un grupo de espartanos del naval en un vídeo-parodia de la batalla de las Termópilas adaptada a la problemática de los astilleros que es muy popular en la red. “Barcos, barcos, barcos”, contestaban al unísono. Con mucha sorna, Os 300 ferrolanos de YouTube resume la idiosincrasia de una ciudad que desde su fundación ha estado diseñada y volcada en el mar: de puerto refugio en el siglo XVII a fábrica de megabuques en el XXI. Uno tras otro, de las gradas de los astilleros de esta ría han ido saliendo todo tipo de ingenios flotantes: fragatas, portaaviones, superpetroleros o plataformas marinas.



El Ayuntamiento de Ferrol ha apostado por rentabilizar ese conocimiento como plus turístico para mostrar a curiosos y visitantes los entresijos de la ingeniería naval y el patrimonio militar que esconde la ría.
elpais.com

4/12/2012

SOLIDARIDADE COS TRABALLADORES/AS DO MAR

Mariscador@s pechados no Concello de Fene

O Comité Cidadán de Emerxencia quere amosar a súa solidaridade cos traballadores/as do Mar da Ría de Ferrol, e apoiar as reivindicacións recollidas no Manifiesto feito público polos mariscadores e mariscadoras da Confraría de Barallobre, pechados desde o 30 de marzo no Concello de Fene, e que son vítimas dos enganos e incumplimentos da Xunta de Galicia, na súa política encamiñada a destruir a vida e a riqueza da Ría de Ferrol.

A débeda pendente – unhos 60 xornais por mariscador/a – aboca a estes traballadores/as, a unha situación desesperada, ante a imposibilidade de facer fronte a pagos vitais, como hipotecas, alugueres, Seguros Sociais, luz, agua, ou a propia subsistencia familiar.

 TODOS/AS XUNTOS/AS    PODEMOS



4/05/2012

Perigo!! gaseiro 116 cargado con GNL para Reganosa


Prevista a entrada na nosa Ría dun gaseiro cargado con GNL, que fará o nº 116 dos arribados a Reganosa, o Comité Cidadán de Emerxencia convoca:

 CONCENTRACIÓN
domingo, 8 de abril 2012, ás 19 hs,
diante do Edificio Admvo da Xunta de Galicia
Praza Amada García – Ferrol
 Características do buque:
Nome:  STX Frontier, eslora: 288,60 m, manga: 44,03 m, puntal: 26,2 m, calado: 11,50 m, capacidade: 153.600 m3.


 Antes de que suceda unha catástrofre


Comité Cidadán de Emerxencia

Reganosa, descarga e volve cargar o gas ...que se oculta aos cidadáns


Mugardos no alto risco con cargas e descargas do mesmo gas en Reganosa, unhas manobras sen sentido lóxico de extrema gravidade para a seguridade dos cidadáns e co incendio das Fragas do Eume a menos de 12 quilómetros.. Realmente para acolloarse ou sopesar a compra dunha vivenda nesa zona?

Este pasado martes, atracou na planta de gas REGANOSA o buque gaseiro “Catalunya Spirit”  con 135.000 m3 de gas natural licuado. Este gas procedente de Trinidade e Tobago, descarregouse na planta este mércores para ser volto a cargar de novamente hoxe no mesmo barco e con destino descoñecido..

O carregamento e descarregamento do gas natural son manobras que entrañan un alto risco.

No caso da planta de REGANOSA, situada no interior da Ría de Ferrol, os riscos son ainda maiores debido a dificultade que supón a navegación de estos grandes buques por unha estreita canle de entrada de 5km de lonxitude. Para estas operacións de entrada e atraque dos gaseiros precísase da axuda de 4 remolcadores e só se poden realizar en condicións optimas de visibilidade, que non sopren ventos de mais de 15 nos e coincidindo coa pleamar.

Resulta inexplicable que as autoridades permitan estas cargas e descargas que non aportan outra cosa que un risco gratuito para a veciñanza e un alto custo en cartos para o sistema gasista, que paganos todos e todas, e por riba repercutirá no encarecemento do gas.

Non sería máis doado, máis barato e máis seguro que o "Catalunya Spirit" continuase rumbo a o porto destino sen ter que descarregar e volta a carregar os 130.000 m3 de gas.

4/03/2012

Perigo!! gaseiro 115 cargado con GNL para Reganosa

CATALUNYA SPIRIT en Reganosa 03/10/2011

Prevista a entrada na Ria do gaseiro cargado con GNL, nº 115 “LNG Catalunya Spirit” o Comité Cidadán de Emerxencia convoca
CONCENTRACIÓN
martes, 3 de abril 2012, ás 19 hs
Praza do Himno Galego (Esteiro – Ferrol)


 Antes de que suceda unha catástrofre