Empate do Galicia de Mugardos que non vale de moito

Galicia de Mugardos 3-3 Flavia

O Galicia de Mugardos empatou a tres goles co Flavia de Padrón en partido xogado esta tarde no campo de A Pedreira. O Galicia mereceu máis pero no fútbol goles son amores. Comezou marcando Juan Jesús no minuto 6 de partido e un minuto máis tarde colocou terra por medio Rubén Seco dunha volea fóra do área. No minuto 16 o xogador Tino fixo o primeiro tanto para o Flavio de Padrón. Con 2 a 1 chegouse ao descanso. Na segunda metade Marcos empatou para o Flavio mentres que Rebolo colocou o terceiro do Galicia de Mugardos xa no minuto 90. Pero o conxunto de Germán Amil tivo mala sorte porque foi sacar de centro e o Flavia colocar o balón dentro da porta de Oscar que saiu en sustitución de Agustín que abandonou o campo por mor dunha lesión nun ombreiro. O tanto do empate a tres goles foi obra de Banana para o conxunto compostelán. Ao final reparto dun punto para cada equipo. Galicia de Mugardos.-Agustín, Jorge, Adrián Martínez, Rubén, Manel, Rubén Seco, Juan Jesús, Rebolo, Suso Peña e Maikel. Tamén sairon ao longo do partido o porteiro suplente Oscar, Sanmartín, Canosa e Vituco. Flavia.- Diego Perol, Roberto, Moncho, Suso, Alfonso, Banana, Tino, Zoco, Laro, Marcos e Saro. Tamén xogaron Héctor, Roi, Pini e Esperón. Árbitro.- Marcos Antonio Fernández de Lugo auxiliado por Gabriel Cortón Fernández e Eduardo Feijóo Trigo. Sinalaron cartóns amarelos a Rubén Seco e Juan Jesús do Galicia de Mugardos e a Diego Perol, Roberto e Laro do Flavia de Padrón.

voltaaria.com