4/26/2010

O batel de Ares bañouse de ouro

Batel feminino de Ares categoría promesa (todoremo.com)


O Club de Remo de Ares escribiu onte en Ferrol unha dos págimas máis brillantes dos seus máis de cincuenta anos de historia. Foi a vitoria que o seu batel feminino de categoría promesa logrou no transcurso do Campionato de España desta disciplina que se celebrou ao longo dos últimos días nas instalacións do Porto de Ferrol coa presenza de embarcacións chegadas de Galicia, Asturias, Cantabria e Euskadi. De aí veu a satisfacción que se desbordou cando levantaron de mans do alcalde aresano, Julio Iglesias, a bandeira que as acredita como campioas de España.

As protagonistas foron catro nenas de quince anos, Aida Carro, María Saavedra, Nicole Maroño e Sheila Fernández, formando equipo co ata máis novo (só 10 anos) Alejandro Permuy exercendo como temoneiro, que obtiveron a vitoria con relativa solvencia.
Con todo, como elas mesmas recoñeceron ao termo da carreira, para nada foi un triunfo sinxelo, porque á metade dos 1.000 metros de que constaba a proba ocupaban a terceira posición, aínda que no último longo deron o mellor de si mesmo para acabar impóndose por máis de sete segundos ao segundo clasificado, Astillero.

todoremo.com

Sem comentários: